കാണാതായ വൈദികന്റെ മൃതദേഹം പള്ളിമുറ്റത്തെ കിണറ്റില്‍ നിന്ന് കണ്ടെത്തി; സിസിടിവി ഓഫ് ചെയ്ത നിലയില്‍

കോട്ടയം: (www.kvartha.com 22.06.2020) കോട്ടയം അയര്‍ക്കുന്നത്ത് കാണാതായ വൈദികന്റെ മൃതദേഹം പള്ളിമുറ്റത്തെ കിണറ്റില്‍ നിന്ന് കണ്ടെത്തി. പുന്നത്തുറ സെന്റ് തോമസ് ചര്‍ച്ച് (വെള്ളാപ്പള്ളി പള്ളി) വികാരി ഫാ. ജോര്‍ജ് എട്ടുപറയിലിന്റെ (55) മൃതദേഹമാണ് കണ്ടെത്തിയത്. ഞായറാഴ്ച വൈകിട്ടോടെയാണ് എടത്വ സ്വദേശിയായ വൈദികനെ കാണാതായെന്ന വിവരം പൊലീസിനു ലഭിച്ചത്. ആത്മഹത്യയെന്നാണ് പൊലീസിന്റെ പ്രാഥമിക നിഗമനം. വികാരിയുടെ മുറിയുടെ വാതില്‍ ചാരിയിട്ട നിലയിലായിരുന്നു.

മൊബൈല്‍ ഫോണ്‍ നിശബ്ദമാക്കി വച്ച നിലയില്‍ കണ്ടെത്തിയിരുന്നു. പള്ളിയിലെ സിസിടിവി ക്യാമറകളും ഓഫ് ചെയ്ത നിലയിലാണ്. അതേസമയം സിസിടിവി വൈദികന്‍ സ്വയം ഓഫ് ചെയ്തതാണെന്നാണു വിവരം. പള്ളിയില്‍ അടുത്തിടെ തീപിടിത്തമുണ്ടായി ചില രേഖകള്‍ കത്തിനശിക്കുകയും നാലുപേര്‍ക്ക് പരിക്കേല്‍ക്കുകയും ചെയ്തിരുന്നു. ഇതേത്തുടര്‍ന്ന് വൈദികന്‍ മാനസിക സമര്‍ദത്തിലായിരുന്നാതായും വിവരമുണ്ട്. കൂടാതെ ഇടവകയില്‍നിന്ന് വൈദികന്‍ സ്ഥലംമാറ്റത്തിന് അഭ്യര്‍ഥിച്ചിരുന്നതായും സൂചനയുണ്ട്.


Keywords: Kottayam, News, Kerala, CCTV, Priest, Death, Found Dead, Well, Police, Mobile Phone, Priest found dead in well of church in Kerala