Accident | നിയന്ത്രണംവിട്ട സ്‌കൂടര്‍ വൈദ്യുതി തൂണിലിടിച്ച് മറിഞ്ഞു; മധ്യവയസ്കന് ദാരുണാന്ത്യം
ശ്രീകണ്ഠാപുരം: (www.kvartha.com) പയ്യാവൂരില്‍ നിയന്ത്രണംവിട്ട സ്‌കൂടര്‍ വൈദ്യുതി തൂണിലിടിച്ച് മറിഞ്ഞ് മധ്യവയസ്കന് മരിച്ചു. ചന്ദനക്കാം പാറയിലെ ചക്കാംകുന്നേല്‍ ജോര്‍ജ് (58) ആണ് മരിച്ചത്. ഞായറാഴ്ച രാത്രി 8.30 മണിയോടെ പയ്യാവൂര്‍-ചന്ദനക്കാംപാറ റോഡില്‍ കോയിപ്രയിലാണ് അപകടം.
പയ്യാവൂരില്‍ നിന്നും വീട്ടിലേക്ക് മടങ്ങുന്നതിനിടെ സ്‌കൂടര്‍ നിയന്ത്രണം വിട്ട് വൈദ്യുതി തൂണിലിടിച്ച് റോഡിലേക്ക് ജോര്‍ജ് തെറിച്ചുവീഴുകയായിരുന്നുവെന്ന് പൊലീസ് പറഞ്ഞു. ഗുരുതരമായി പരിക്കേറ്റ ജോര്‍ജിനെ നാട്ടുകാരാണ് ആശുപത്രിയിലെത്തിച്ചത്.
സജീവ കോണ്‍ഗ്രസ് പ്രവര്‍ത്തകനായ ജോര്‍ജ് ഏറെക്കാലും ഇസ്രാഈലായായിരുന്നു ജോലി ചെയ്തിരുന്നത്. പയ്യാവൂര്‍ പൊലീസ് ഇന്‍ക്വസ്റ്റ് നടത്തി. മൃതദേഹം പോസ്റ്റുമോര്‍ടത്തിനായി പരിയാരത്തെ കണ്ണൂര്‍ ഗവ. മെഡികല്‍ കോളജ് ആശുപത്രി മോര്‍ചറിയിലേക്ക് മാറ്റി.
Keywords: News, Kerala, Accident, Death, Police, Medical College, Injured, Death, Payyavoor: Man died in road accident.
