Dismissed | കളന്തോട് എംഇഎസ് കോളജിലെ റാഗിങ് കേസ്; 5 വിദ്യാര്ഥികളെ പുറത്താക്കി
Jul 28, 2023, 12:54 IST
ADVERTISEMENT
കോഴിക്കോട്: (www.kvartha.com) കളന്തോട് എംഇഎസ് കോളജിലെ ജൂനിയര് വിദ്യാര്ഥിയെ റാഗിങ് ചെയ്തെന്ന കേസില് ഉള്പെട്ട അഞ്ച് വിദ്യാര്ഥികളെ പുറത്താക്കി. കോളജിലെ അന്വേഷണ കമിഷന്റെ റിപോര്ട് പൊലീസിനും ആന്റി റാഗിങ് സ്ക്വാഡിനും യുജിസിക്കും സര്വകലാശാലയ്ക്കും കൈമാറി. കോളജിലെ ജൂനിയര് വിദ്യാര്ഥിയായ മുഹമ്മദ് മിഥിലാജിനാണ് കഴിഞ്ഞ ബുധനാഴ്ച സീനിയര് വിദ്യാര്ഥികളില് നിന്ന് ക്രൂരമായ റാഗിങ് നേരിട്ടത്.
റാഗിങില് ഉള്പെട്ട ഏഴ് വിദ്യാര്ഥികളാണ് കേസില് നടപടി നേരിടുന്നത്. അഞ്ച് വിദ്യാര്ഥികളെ കോളജില് നിന്ന് പുറത്താക്കും. രണ്ട് പേരെ അഞ്ചാം സെമസ്റ്ററില് പുറത്താക്കുകയും ആറാം സെമസ്റ്ററില് തിരിച്ചെടുക്കുകയും ചെയ്യും. മുടിവെട്ടാത്തത്തിനും ഷര്ട്ടിന്റെ ബട്ടണ് ധരിക്കാത്തതിനുമായിരുന്നു മിഥിലാജിനെ സീനിയര് വിദ്യാര്ഥികള് ക്രൂരമായി മര്ദിച്ചതെന്ന് പൊലീസ് പറയുന്നു.
കോളജിന്റെ ഗേറ്റിന് പുറത്തുവെച്ചായിരുന്നു സംഭവം. കല്ലും ഇരുമ്പുദണ്ഡും ഉപയോഗിച്ചായിരുന്നു മര്ദനം. വധശ്രമമുള്പ്പെടെയുള്ള വകുപ്പുകള് ചേത്താണ് കേസ്. കണ്ണിനും മുഖത്തും പരുക്കേറ്റ മിഥിലാജ് കോഴിക്കോട് മെഡികല് കോളജ് ആശുപത്രിയില് ചികിത്സയിലാണ്.
Keywords: Kozhikode, News, Kerala, Students, Dismissed, Students, Kozhikode: 5 students dismissed in ragging case.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
