Student Drowned | ഈരാറ്റുപേട്ടയില് മീനച്ചിലാറ്റില് ഒഴുക്കില്പെട്ട് വിദ്യാര്ഥി മരിച്ചു; അപകടം പുഴയില് വീണ ചെരുപ്പെടുക്കാന് ശ്രമിക്കുമ്പോള്
ADVERTISEMENT
കോട്ടയം: (www.kvartha.com) ഈരാറ്റുപേട്ടയില് മീനച്ചിലാറ്റില് ഒഴുക്കില്പെട്ട് വിദ്യാര്ഥി മരിച്ചു. മാതാക്കല് കന്നുപറമ്പില് ഷാഹുലിന്റെ മകന് അഫ്സല് (15) ആണ് മരിച്ചത്. വെള്ളിയാഴ്ച വൈകിട്ട് നാലുമണിയോടെ തൊടുപുഴ റോഡില് ഇളപ്പുങ്കലിന് സമീപമാണ് അപകടം നടന്നത്.
അഫ്സലും അനുജനും സുഹൃത്തും ഈലക്കയം ചെക്ക് ഡാമിന് സമീപം മീനച്ചിലാര് കാണാന് എത്തിയതായിരുന്നു. ആറിന്റെ തീരത്ത് കൂടി നടക്കുന്നതിനിടെ പുഴയില് വീണ ചെരുപ്പെടുക്കാന് ശ്രമിക്കുമ്പോള് അഫ്സല് കയത്തില് പെടുകയായിരുന്നുവെന്ന് പൊലീസ് പറഞ്ഞു. നാട്ടുകാരും ഫയര്ഫോഴ്സും ചേര്ന്ന് നടത്തിയ തിരച്ചിലിനൊടുവില് കുട്ടിയെ കണ്ടെത്തിയെങ്കിലും ജീവന് രക്ഷിക്കാനായില്ല.
Keywords: Kottayam, News, Kerala, Student, Drowned, Death, Police, Kottayam: Student drowned in river.

