Miraculous Escape | ഹെല്‍മറ്റ് ധരിക്കണം? കൃഷിഭവന്‍ ഓഫിസിന്റെ സീലിങ് അടര്‍ന്നുവീണ് അപകടം; വന്‍ ദുരന്തം ഒഴിവായത് തലനാരിഴക്ക്
Feb 4, 2023, 09:15 IST
ADVERTISEMENT
കോട്ടക്കല്‍: (www.kvartha.com) നഗരസഭയുടെ അധീനതയിലുള്ള കെട്ടിടത്തില്‍ പ്രവര്‍ത്തിക്കുന്ന കൃഷിഭവന്‍ ഓഫിസിന്റെ സീലിങ് അടര്‍ന്നുവീണ് അപകടം. വെള്ളിയാഴ്ച ഉച്ചക്ക് 1.45 മണിയോടെയാണ് സംഭവം. കൃഷിഭവനും ഇകോ ഷോപും പ്രവര്‍ത്തിക്കുന്ന കാലപ്പഴക്കം ചെന്ന കെട്ടിടത്തിലെ ഭാഗം അടര്‍ന്നുവീഴുകയായിരുന്നു. വന്‍ ദുരന്തം തലനാരിഴക്കാണ് ഒഴിവായത്.
ഉച്ചഭക്ഷണ സമയമായതിനാല്‍ ദുരന്തം ഒഴിവായി. ബസ് സ്റ്റാന്‍ഡ് നവീകരണഭാഗമായി പഴയ ഓഫീസ് കെട്ടിടം നഗരസഭ പൊളിച്ചുമാറ്റിയിരുന്നു. ഇതോടെ പഴയ ഓഡിറ്റോറിയത്തിലാണ് ഓഫീസ് താല്‍ക്കാലികമായി പ്രവര്‍ത്തിക്കുന്നത്.
പുതിയ കെട്ടിടം നിര്‍മിക്കുമെന്ന വാഗ്ദാനം നല്‍കിയിരുന്നെങ്കിലും ഇതുവരെ പാലിക്കപ്പെട്ടിട്ടില്ല. ഫയല്‍ സൂക്ഷിക്കാന്‍ സ്ഥലമില്ലാത്ത അവസ്ഥയാണ്. മഴ പെയ്താല്‍ ചോരുന്നതും പതിവാണ്. ഇഴജന്തുക്കളുടെ വിഹാരവും പേടിക്കേണ്ട സ്ഥിതിയാണെന്ന് ജീവനക്കാര്‍ പറയുന്നു.
Keywords: News, Kerala, News, Accident, Kottakkal: Ceiling of the Krishi Bhavan office fell off.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
