തിരുവനന്തപുരം: (KVARTHA) കേരള സംസ്ഥാന യുവജന കമ്മീഷന്‍ 2024-25 വര്‍ഷത്തെ യൂത്ത് ഐക്കണ്‍ അവാര്‍ഡിനുള്ള അപേക്ഷകള്‍ ക്ഷണിച്ചു. കല, സാഹിത്യം, കായികം, കൃഷി, വ്യവസായം, മാധ്യമം തുടങ്ങിയ വിവിധ മേഖലകളില്‍ സംസ്ഥാനത്തിന്റെ പുരോഗതിക്ക് സംഭാവന നല്‍കിയ യുവതലമുറയിലെ പ്രതിഭകളെയാണ് ഈ അവാര്‍ഡിന് പരിഗണിക്കുന്നത്.

സംസ്ഥാനത്തെ ജനങ്ങളില്‍ നിര്‍ണായക സ്വാധീനം ചെലുത്തിയിട്ടുള്ളതും തങ്ങളുടെ മേഖലയില്‍ ഉന്നത നിലവാരം കൈവരിച്ചതുമായ യുവജനങ്ങള്‍ക്ക് സ്വയം അപേക്ഷിക്കാനോ അല്ലെങ്കില്‍ മറ്റുള്ളവര്‍ക്ക് അവരെ നാമനിര്‍ദ്ദേശം ചെയ്യാനോ അവസരമുണ്ട്. പൊതുജനങ്ങളില്‍ നിന്നും ലഭിക്കുന്ന നിര്‍ദ്ദേശങ്ങള്‍ വിദഗ്ധ ജൂറിയുടെ പരിശോധനയ്ക്ക് വിധേയമാക്കിയ ശേഷമാണ് അവാര്‍ഡ് ജേതാക്കളെ തെരഞ്ഞെടുക്കുക.

യൂത്ത് ഐക്കണ്‍ പുരസ്‌കാരം നേടുന്ന വ്യക്തിക്ക് 20,000 രൂപയുടെ ക്യാഷ് അവാര്‍ഡും ഒരു ബഹുമതി ശില്‍പ്പവും സമ്മാനമായി ലഭിക്കും. നിര്‍ദേശങ്ങള്‍ ksycyouthicon(at)gmail(dot)com എന്ന ഇമെയില്‍ വിലാസത്തില്‍ അയക്കാവുന്നതാണ്. അതുപോലെ, കമ്മീഷന്റെ വികാസ് ഭവനിലുള്ള ഓഫീസില്‍ നേരിട്ടും നിര്‍ദേശങ്ങള്‍ സമര്‍പ്പിക്കാം. അപേക്ഷകള്‍ സമര്‍പ്പിക്കേണ്ട അവസാന തീയതി: 2024 ഡിസംബര്‍ 31. കൂടുതല്‍ വിവരങ്ങള്‍ക്ക് 0471-2308630 എന്ന നമ്പറില്‍ ബന്ധപ്പെടുക.

#KeralaYouth #YouthIcon #Awards #Kerala #India #Opportunities #YouthAchievements