തിരുവനന്തപുരം: (KVARTHA) മുണ്ടക്കൈ, ചൂരൽമല എന്നിവിടങ്ങളിലെ ഉരുൾപൊട്ടൽ ദുരന്തത്തിൽപ്പെട്ടവരുടെ പുനരധിവാസ നടപടികൾ സമയബന്ധിതമായി പൂർത്തിയാക്കുമെന്ന് മുഖ്യമന്ത്രി പിണറായി വിജയൻ അറിയിച്ചു. താമസ സൗകര്യത്തിനായി നൽകേണ്ട വാടക തുക ഉടൻ ലഭ്യമാക്കാനും അദ്ദേഹം നിർദ്ദേശം നൽകി.

ദുരിതബാധിതർക്ക് വേണ്ടി നിർമ്മിക്കുന്ന ടൗൺഷിപ്പിൻ്റെ പ്രവർത്തന പുരോഗതി വിലയിരുത്താൻ മുഖ്യമന്ത്രിയുടെ കോൺഫറൻസ് ഹാളിൽ ചേർന്ന യോഗത്തിലാണ് ഈ തീരുമാനങ്ങൾ എടുത്തത്.

ടൗൺഷിപ്പിൻ്റെ നിർമ്മാണത്തിനാവശ്യമായ ഭരണപരവും സാങ്കേതികവും സാമ്പത്തികവുമായ അനുമതികൾ നൽകുന്നതിന് സമയക്രമം നിശ്ചയിച്ചു നൽകി.

അനുമതിയോടെ മരങ്ങൾ മുറിച്ചു മാറ്റുക, വൈദ്യുതി വിതരണ സംവിധാനങ്ങൾ പുനഃക്രമീകരിക്കുക, മുഖ്യമന്ത്രിയുടെ ദുരിതാശ്വാസ നിധിയിൽ നിന്നുള്ള സാമ്പത്തിക സഹായം, അവശിഷ്ടങ്ങൾ നീക്കം ചെയ്ത് പുഴയുടെ ഒഴുക്ക് സുഗമമാക്കുക, ഉദ്യോഗസ്ഥരെ നിയോഗിക്കുക തുടങ്ങിയ നടപടികൾ ബന്ധപ്പെട്ട വകുപ്പുകൾ എത്രയും വേഗം പൂർത്തിയാക്കണമെന്നും മുഖ്യമന്ത്രി ഉദ്യോഗസ്ഥർക്ക് നിർദ്ദേശം നൽകി.

റവന്യൂ മന്ത്രി കെ രാജൻ, ധനകാര്യ മന്ത്രി കെ എൻ ബാലഗോപാൽ, ചീഫ് സെക്രട്ടറി ഡോ. എ ജയതിലക്, മുഖ്യമന്ത്രിയുടെ ചീഫ് പ്രിൻസിപ്പൽ സെക്രട്ടറി കെ എം എബ്രഹാം, അഡീഷണൽ ചീഫ് സെക്രട്ടറിമാർ, വകുപ്പ് സെക്രട്ടറിമാർ, ഉന്നത ഉദ്യോഗസ്ഥർ തുടങ്ങിയവർ യോഗത്തിൽ പങ്കെടുത്തു.

ഉരുൾപൊട്ടൽ ദുരിതബാധിതർക്ക് താങ്ങും തണലുമാകാൻ ഈ വാർത്ത ഷെയർ ചെയ്യുക! നിങ്ങളുടെ അഭിപ്രായങ്ങൾ അറിയിക്കുക.

Article Summary: Chief Minister Pinarayi Vijayan assured timely rehabilitation for Mundakkai and Chooralamala landslide victims and ordered immediate disbursement of rent. A timeline was set for township construction approvals and related tasks like tree removal and power restoration. Financial aid from the CM's relief fund and efficient officer deployment were also directed.

#LandslideKerala, #Rehabilitation, #KeralaCM, #DisasterRelief, #Mundakkai, #Chooralamala