കോഴിക്കോട്: (KVARTHA) കേരള തീരത്തിനടുത്ത് തീപിടിച്ച ചരക്കുകപ്പലിൽ നിന്ന് ഒരു കണ്ടെയ്‌നർ പൊട്ടിത്തെറിച്ചു. ഇനിയും സ്ഫോടന സാധ്യതയുണ്ടെന്ന് അധികൃതർ മുന്നറിയിപ്പ് നൽകിയിട്ടുണ്ട്. കൊളംബോയിൽനിന്ന് മുംബൈയിലേക്ക് പോവുകയായിരുന്ന വാൻഹായ് 503 എന്ന ചരക്കുകപ്പലിലാണ് തീപിടിത്തമുണ്ടായത്. തീരത്തുനിന്ന് 78 നോട്ടിക്കൽ മൈൽ (ഏകദേശം 129 കി.മീ.) അകലെ വെച്ച് രാവിലെ ഒൻപതരയോടെയാണ് അപകടമുണ്ടായത്.

കപ്പലിലുണ്ടായിരുന്ന 22 ജീവനക്കാരിൽ 18 പേർ കടലിൽ ചാടി. ഇവർ രക്ഷാബോട്ടുകളിലുണ്ടെന്നാണ് വിവരം. ഇവരെ രക്ഷപ്പെടുത്താനുള്ള ശ്രമങ്ങൾ ഊർജിതമായി നടക്കുകയാണ്. കപ്പൽ ഇതുവരെ മുങ്ങിയിട്ടില്ല. വൻ തീപിടിത്തമാണ് ഉണ്ടായതെന്ന് വ്യോമസേനാ വൃത്തങ്ങൾ അറിയിച്ചു. ഒന്നിലധികം സ്ഫോടനങ്ങൾ നടന്നതായും റിപ്പോർട്ടുണ്ട്. തീ അണയ്ക്കാനുള്ള ആദ്യ ശ്രമങ്ങൾ വിജയിച്ചിട്ടില്ല.

തീപിടിക്കുന്നതും അപകടകരവുമായ വസ്തുക്കൾ കപ്പലിലുണ്ടെന്നാണ് സൂചന. മറ്റു കപ്പലുകൾക്ക് ജാഗ്രതാ നിർദേശം നൽകിയിട്ടുണ്ട്. രക്ഷാപ്രവർത്തനങ്ങൾക്കായി തീരസംരക്ഷണ സേനയുടെ 5 കപ്പലുകളും നേവിയുടെ ഒരു കപ്പലും സംഭവസ്ഥലത്തേക്ക് തിരിച്ചിട്ടുണ്ട്.

#Update
Of the 22 crew, 18 crew have abandoned the ship on boat.
Crew being rescued by CG and IN assets.
Vessel is presently on fire and adrift.@indiannavy @IndiaCoastGuard @IN_HQSNC @IN_WNC pic.twitter.com/5Uqskt0iHJ

— PRO Defence Kochi (@DefencePROkochi) June 9, 2025

തൊഴിലാളികളെ കേരള തീരത്ത് എത്തിച്ചാൽ ആവശ്യമായ ചികിത്സ നൽകാൻ എറണാകുളം, കോഴിക്കോട് ജില്ലാ കളക്ടർമാർക്ക് നിർദേശം നൽകിയിട്ടുണ്ട്. സിംഗപ്പൂരിൽ രജിസ്റ്റർ ചെയ്ത ഈ കപ്പലിന് 20 വർഷം പഴക്കമുണ്ട്, 270 മീറ്റർ നീളവുമുണ്ട്. ചൈന, മ്യാൻമർ, ഇന്തോനേഷ്യ, തായ്‌ലൻഡ് എന്നിവിടങ്ങളിൽ നിന്നുള്ളവരാണ് ജീവനക്കാർ. ഈ മാസം ഏഴാം തീയതി കൊളംബോയിൽ നിന്ന് പുറപ്പെട്ട കപ്പൽ പത്തിന് രാവിലെ ഒൻപതരയോടെ മുംബൈയിലെ ജവാഹർലാൽ നെഹ്‌റു തുറമുഖത്ത് എത്തേണ്ടതായിരുന്നു. കപ്പലിൽ ഏകദേശം 650 കണ്ടെയ്‌നറുകൾ ഉണ്ടായിരുന്നു. ഇതിൽ 20 കണ്ടെയ്‌നറുകൾ കടലിൽ വീണതായും വിവരമുണ്ട്.

കപ്പൽ ദുരന്തത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കൂ. പോസ്റ്റ് ഷെയർ ചെയ്യൂ, 

Article Summary: Container explodes on burning ship off Kerala; further blasts feared.

#KeralaShipFire #CargoShip #ExplosionRisk #MarineSafety #IndianNavy #CoastGuard