Arrested | കണ്ണപുരത്ത് കാര്‍ വാടകയ്ക്കെടുത്ത തര്‍ക്കം: യുവാക്കളെ തട്ടിക്കൊണ്ടു പോയെന്ന കേസില്‍ 3 പേര്‍ അറസ്റ്റില്‍
Jun 1, 2023, 09:14 IST
ADVERTISEMENT
കണ്ണൂര്‍: (www.kvartha.com) കണ്ണപുരത്ത് കാര്‍ വാടകയ്ക്കെടുത്തതിനെ ചൊല്ലിയുളള തര്‍ക്കത്തില്‍ യുവാക്കളെ തട്ടിക്കൊണ്ടുപോയെന്ന കേസില്‍ മൂന്ന് പേര്‍ അറസ്റ്റില്‍. പി പി സുഹൈല്‍ (37), മുഹമ്മദ് ശാനിദ് (21), എസ് കെ നിസാമുദ്ദീന്‍ (32) എന്നിവരെയാണ് കണ്ണപുരം എസ്‌ഐ വി ആര്‍ വിനീഷിന്റെ നേതൃത്വത്തില്‍ എസ്‌ഐ സാംസണും സംഘവും അറസ്റ്റ് ചെയ്തത്.
പൊലീസ് പറയുന്നത്: ഇക്കഴിഞ്ഞ 29ന് രാത്രി ഒമ്പത് മണിയോടെയാണ് ഇരിണാവ്മടക്കര റേഷന്‍ കടയ്ക്ക് സമീപം വെച്ച് കാറിലെത്തിയ അഞ്ചംഗ സംഘം മടക്കരയിലെ മുഹമ്മദ് ശെരീഫ്, മൊഫാസ്, ഇവരുടെ ബന്ധുവായ കൗമാരക്കാരനെയും തട്ടിക്കൊണ്ടുപോയത്. നാട്ടുകാര്‍ വിവരമറിയിച്ചതിനെ തുടര്‍ന്ന് പൊലീസ് ഇവരെ പിന്‍തുടര്‍ന്നു.
പിന്നാലെ പ്രതികള്‍ സഞ്ചരിച്ച കാര്‍ മയ്യില്‍ സ്റ്റേഷന്‍ പരിധിയിലെ നണിച്ചേരിയില്‍ വച്ച് എസ്‌ഐ വി ആര്‍ വിനീഷും സംഘവും കസ്റ്റഡിയിലെടുത്തു. തുടര്‍ന്ന് നടത്തിയ അന്വേഷണത്തിലാണ് അഞ്ചംഗ സംഘത്തിലെ മൂന്ന് പേര്‍ പൊലീസ് പിടിയിലായത്. കൂട്ടുപ്രതികള്‍ക്കായി പൊലീസ് തിരച്ചില്‍ തുടങ്ങിയിട്ടുണ്ട്.
Keywords: Kannur, News, Kerala, Kannapuram, Crime, Police, Accused, Arrest, Arrested, Abduction, Kannur: Car rental dispute in Kannapuram: 3 persons arrested in case of abduction of youths.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
