Swine Fever | കണ്ണൂരില് ആഫ്രികന് പന്നിപ്പനി സ്ഥിരികരിച്ചു: 7 ഫാമുകളിലെ പന്നികളെ ദയാവധത്തിന് ഇരയാക്കുമെന്ന് കലക്ടര്
Jun 27, 2023, 17:50 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
കണ്ണൂര്: (www.kvartha.com) കണ്ണൂര് ജില്ലയില് വീണ്ടും ആഫ്രിക്കന് പന്നിപ്പനി സ്ഥിരീകരിച്ചു. ഉദയഗിരി ഗ്രാമപഞ്ചായതിലെ വടക്കന് ഞാലിപ്പറമ്പില് ടോണി മാത്യുവിന്റെ ഉടമസ്ഥതയിലുള്ള, പന്നി ഫാമിലാണ് ആഫ്രികന് പന്നിപ്പനി സ്ഥിരീകരിച്ചത്. ഈ ഫാമിലെയും രോഗബാധിത മേഖലയിലുള്ള മറ്റ് ആറ് ഫാമുകളിലെയും മുഴുവന് പന്നികളെയും അടിയന്തിരമായി ഉന്മൂലനം ചെയ്ത് മറവ് ചെയ്യാനും പ്രഭവ കേന്ദ്രത്തിന് പുറത്ത് 10 കിലോമീറ്റര് ചുറ്റളവില് രോഗ നിരീക്ഷണം ഏര്പ്പെടുത്താനും ജില്ലാ ദുരന്ത നിവാരണ അതോറിറ്റി ചെയര്മാനായ ജില്ലാ കലക്ടര് എസ് ചന്ദ്രശേഖര് ഉത്തരവിട്ടു.
രോഗബാധിത മേഖലയിലെ മനീഷ് മോഹന്ദാസ് കിളിര്കുന്നേല്, സുനില് ഉപ്പന്മാക്കല്, ജിംസണ് മാത്യു പൂച്ചവാലേല്, ബിജു കുട്ടിവേലില്, സതീഷ് കോണാട്ട്, പ്രമോദ് കുട്ടിമാക്കല് എന്നീ വ്യക്തികളുടെ ഉടമസ്ഥതയിലാണ് മറ്റ് ആറ് പന്നിഫാമുകള്. പന്നികളെ ഉന്മൂലനം ചെയ്ത് ജഡങ്ങള് മാനദണ്ഡങ്ങള് പ്രകാരം സംസ്കരിച്ച് ജില്ലാ മൃഗ സംരക്ഷണ ഓഫീസര് റിപോര്ട് ചെയ്യാന് നിര്ദേശിച്ചു. ഉദയഗിരി ഗ്രാമ പഞ്ചായതിലെ രോഗം സ്ഥിരീകരിച്ച പന്നി ഫാമുകളില് നിന്നും മറ്റ് പന്നി ഫാമുകളിലേക്ക് കഴിഞ്ഞ രണ്ടു മാസങ്ങള്ക്കുള്ളില് പന്നികളെ കൊണ്ടുപോയിട്ടുണ്ടോ എന്ന് പരിശോധിച്ചു അടിയന്തിര റിപോര്ട് സമര്പ്പിക്കണം.
മറ്റ് സംസ്ഥാനങ്ങളില് നിന്നും ജില്ലകളില് നിന്നും പന്നി മാംസവും പന്നികളെയും അനധികൃതമായി ജില്ലയിലേക്ക് കടത്താന് സാധ്യതയുള്ളതിനാല് ചെക് പോസ്റ്റുകളിലും ജില്ലയിലേക്കുള്ള മറ്റ് പ്രവേശന മാര്ഗങ്ങളിലും പൊലീസുമായും ആര്ടിഒയുമായും ചേര്ന്ന് മൃഗ സംരക്ഷണ വകുപ്പ് കര്ശനമായ പരിശോധന നടത്തും. രോഗ വിമുക്ത മേഖലയില് നിന്നുള്ള പന്നികളെ മാത്രമേ ജില്ലയിലേക്ക് പ്രവേശിപ്പിക്കുന്നുള്ളൂ എന്ന് ഉറപ്പ് വരുത്തും.
രോഗം സ്ഥിരീകരിച്ച തദ്ദേശ സ്വയംഭരണ സ്ഥാപന പരിധിയില് പൊലീസ്, മൃഗസംരക്ഷണ വകുപ്പ്, ബന്ധപ്പെട്ട തദ്ദേശ സ്വയംഭരണ സ്ഥാപനങ്ങളിലെ ഉദ്യോഗസ്ഥന്, വില്ലേജ് ഓഫീസര് കെഎസ്ഇബി എക്സിക്യൂടീവ് എന്ജിനീയര് എന്നിവരുള്പ്പെട്ട സംഘം രൂപീകരിച്ച് പ്രവര്ത്തനം ആരംഭിക്കാനുള്ള നടപടി ജില്ലാ മൃഗസംരക്ഷണ ഓഫീസര്, തദ്ദേശ സ്വയംഭരണ സ്ഥാപന സെക്രടറി എന്നിവര് ചേര്ന്ന് സ്വീകരിക്കണം.
പന്നികളെ ശാസ്ത്രീയമായി ഉന്മൂലനം ചെയ്ത് മറവ് ചെയ്യുന്നതിനാവശ്യമായ എല്ലാ സഹായവും ജില്ലാ ആരോഗ്യ വകുപ്പും കെഎസ്ഇബി അധികൃതരും നല്കേണ്ടതാണ്. ജില്ലയിലെ മറ്റ് ഭാഗങ്ങളില് പന്നിപ്പനി വൈറസ് കണ്ടെത്തുന്ന പക്ഷം ബന്ധപ്പെട്ട തദ്ദേശ സ്വയം ഭരണ സ്ഥാപന അധികാരികള്, വില്ലേജ് ഓഫീസര്മാര്, റൂറല് ഡയറി ഡെവലപ്മെന്റ് ഉദ്യോഗസ്ഥര് എന്നിവര് ബന്ധപ്പെട്ട വെറ്റിനറി ഓഫീസറെ വിവരം അറിയിക്കണം. വെറ്റിനറി ഓഫീസര് വൈറസ് വ്യാപനം നിയന്ത്രിക്കുന്നതിനുള്ള തുടര്നടപടികള് സ്വീകരിക്കണം. ഫയര് ആന്ഡ് റെസ്ക്യൂ സര്വീസിന്റെ നേതൃത്വത്തില് ഫാമുകളില് ഫ്യുമിഗേഷന് നടത്താനും കലക്ടര് നിര്ദേശിച്ചു.
Keywords: Kannur, News, Kerala, African Swine Fever, District Collector, Kannur: African swine fever confirmed.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
