ഇടുക്കിയില്‍ വീണ്ടും ഭൂചലനം

Channel Group

By kvarthakgd1 Nov 26, 2011, 08:30 IST

തൊടുപുഴ: ഇടുക്കിയില്‍ വീണ്ടും ഭൂചലനം. ശനിയാഴ്ച പുലര്‍ച്ചെയാണ് നാലുതവണ നേരിയ തോതില്‍ ഭൂചലനങ്ങള്‍ ഉണ്ടായത്. ഉപ്പുതറ, വളകോട്, മൂലമറ്റം, ചപ്പാത്ത്, വണ്ടിപ്പെരിയാര്‍ എന്നിവിടങ്ങളിലാണ് ഭൂചലനം അനുഭവപ്പെട്ടത്. ആളപായമോ നാശനഷ്ടമോ ഉള്ളതായി റിപ്പോര്‍ട്ടില്ല.

പുലര്‍ച്ചെ 3.14, 3.20, 5.30, 5.55 എന്നീ സമയങ്ങളിലായിരുന്നു ഭൂചലനങ്ങള്‍ ആദ്യ ഭൂചലനം റിക്ടര്‍ സ്‌കെയിലില്‍ 2.7 തീവ്രത രേഖപ്പെടുത്തി. പിന്നീട് 2.9, 1.4,1.7 തീവ്രതകളിലാണ് ഭൂചലനങ്ങള്‍ ഉണ്ടായത്. കോട്ടയം ജില്ലയിലെ പൂഞ്ഞാറിലും പരിസര പ്രദേശങ്ങളിലും പുലര്‍ച്ചെ ഭൂചലനം അനുഭവപ്പെട്ടു.

ഇടുക്കിയില്‍ തുടര്‍ ചലനങ്ങള്‍ ഉണ്ടാകാന്‍ സാധ്യതയുണ്ടെന്നും എന്നാല്‍ ആശങ്കയുടെ ആവശ്യമില്ലെന്നും ഭൗമശാസ്ത്ര വിദഗ്ധന്‍ ജോണ്‍ മത്തായി പറഞ്ഞു.

Keywords: Earthquake, Idukki, Thodupuzha, Kerala

ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

ഇടുക്കിയില്‍ വീണ്ടും ഭൂചലനം

Tags

Share this story

Featured

Recommended