School of Arts | കേരള സ്‌കൂള്‍ ഓഫ് ആര്‍ട്സിന്റെ ബ്രോഷര്‍ പ്രകാശനം സംവിധായകന്‍ ഹരിഹരന്‍ നിര്‍വഹിക്കും
Oct 6, 2023, 09:13 IST
ADVERTISEMENT
കണ്ണൂര്‍: (KVARTHA) തലശ്ശേരിയില്‍ പ്രവര്‍ത്തിച്ചുവരുന്ന കേരള സ്‌കൂള്‍ ഓഫ് ആര്‍ട്സ് 90 വര്‍ഷം പൂര്‍ത്തിയാക്കുന്നതിന്റെ പശ്ചാത്തലത്തില്‍ വിപുലമായി പരിപാടികള്‍ നടത്തുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. തൊണ്ണൂറാം വാര്‍ഷികാഘോഷത്തിന്റെ ഭാഗമായി തലശ്ശേരി പാട്യം പഞ്ചായതിലെ വള്ള്യായില്‍ ഫൈന്‍ ആര്‍ട്സ് കോളജ് ആരംഭിക്കുന്നതിനുള്ള പദ്ധതികള്‍ ആസൂത്രണം ചെയ്തിട്ടുണ്ട്.
ഇതിന്റെ ഭാഗമായുള്ള ബ്രോഷര്‍ പ്രകാശനം കണ്ണൂര്‍ ചേംബര്‍ ഓഫ് കോമേര്‍സ് ഹാളില്‍ ഒക്ടോബര്‍ ഏഴിന് രാവിലെ 10 മണിക്ക് പ്രശസ്ത സിനിമാ സംവിധായകനും ചിത്രകാരനുമായ ഹരിഹരന്‍ നിര്‍വഹിക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. രാമചന്ദ്രന്‍ കടന്നപ്പള്ളി എംഎല്‍എ മുഖ്യാതിഥിയാവും. ജില്ലാ പഞ്ചായത് പ്രസിഡന്റ് പി പി ദിവ്യ വെബ്സൈറ്റ് ഉദ്ഘാടനം ചെയ്യും. മേയര്‍ ടി ഒ മോഹനന്‍ ഹരിഹരനെ ആദരിക്കും. കെ വി സുമേഷ് എംഎല്‍എ വിശിഷ്ടാതിഥിയാവും.
വാര്‍ത്താസമ്മേളനത്തില്‍ അഡ്വ. കെ വിശ്വന്‍, പ്രദീപ് ചൊക്ലി, സെല്‍വന്‍ മേലൂര്‍, പൊന്മണി തോമസ്, സുഹാസ് വേലാണ്ടി എന്നിവര്‍ പങ്കെടുത്തു.
Keywords: Director Hariharan, Release, Brochure, Kerala School of Arst, Programme, Kerala, News, Kannur, Director Hariharan will release the brochure of Kerala School of Arts.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
