Freezer Issue | ഫ്രീസര്‍ തകരാറിലായി: കണ്ണൂര്‍ ജില്ലാ ആശുപത്രി മോര്‍ചറിയില്‍ സൂക്ഷിച്ച മൃതദേഹം നനഞ്ഞ് കുതിര്‍ന്ന നിലയില്‍
Jun 19, 2022, 09:42 IST
ADVERTISEMENT
ADVERTISEMENT
ADVERTISEMENT
ADVERTISEMENT
കണ്ണൂര്‍: (www.kvartha.com) കണ്ണൂര്‍ ജില്ലാ ആശുപത്രിയിലെ മോര്‍ചറി ഫ്രീസറില്‍ സൂക്ഷിച്ച മൃതദേഹം വെള്ളം നനഞ്ഞ നിലയില്‍. വെള്ളിയാഴ്ച വൈകുന്നേരം സൂക്ഷിച്ച മൃതദേഹമെടുക്കാന്‍ കഴിഞ്ഞ ദിവസം രാവിലെ ബന്ധുക്കളെത്തിയപ്പോഴാണ് മൃതദേഹത്തില്‍ മുഴുവന്‍ വെള്ളം നനഞ്ഞ നിലയില്‍ കണ്ടെത്തിയത്.
അസുഖത്തെ തുടര്‍ന്ന് വെള്ളിയാഴ്ച പകല്‍ ജില്ലാ ആശുപത്രിയില്‍ മരണമടഞ്ഞ ഏച്ചൂര്‍ സ്വദേശി പ്രഭാകരന്റെ (66) മൃതദേഹം ബന്ധുക്കളുടെ ആവശ്യപ്രകാരം ആശുപത്രി മോര്‍ചറിയിലേക്ക് മാറ്റുകയും ഫ്രീസറില്‍ സൂക്ഷിക്കുകയുമായിരുന്നു. ഫ്രീസര്‍ തകരാറിലായതിനെ തുടര്‍ന്ന് മൃതദേഹം വെള്ളത്തില്‍ കുതിര്‍ന്ന നിലയിലായിരുന്നു.
വെള്ളത്തില്‍ വീണ ആളുടെ മൃതദേഹം പുറത്തെടുക്കുന്ന വിധത്തിലാണ് മൃതദേഹം ലഭിച്ചതെന്ന് പ്രഭാകരന്റെ ബന്ധുക്കള്‍ പറയുന്നു. ഇതിനു ശേഷം ഇവര്‍ വാരത്തെ ആശുപത്രിയില്‍ കൊണ്ടുപോയി കുളിപ്പിച്ച് വസ്ത്രങ്ങള്‍ മാറ്റിയതിന് ശേഷമാണ് വീട്ടിലേക്ക് മരണാനന്തര ചടങ്ങുകള്‍ നടത്താന്‍ കൊണ്ടുപോയത്. അതേസമയം സംഭവത്തില്‍ ബന്ധുക്കള്‍ ഇതുവരെ പരാതി നല്‍കിയിട്ടില്ല.
Keywords: Kannur, News, Kerala, hospital, Dead Body, Dead body found wet in Mortuary at Kannur District Hospital.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
