Trains Services | കോവിഡ് ഇടവേളക്ക് ശേഷം ഗുരുവായൂരില്നിന്ന് പകല് ട്രെയിനുകള് വീണ്ടും ഓടിത്തുടങ്ങും
May 29, 2022, 10:11 IST
ADVERTISEMENT
തൃശൂര്: (www.kvartha.com) ഗുരുവായൂരില്നിന്ന് പകല് ട്രെയിനുകള് വീണ്ടും ഓടിത്തുടങ്ങും. നീണ്ട 26 മാസത്തെ കോവിഡ് ഇടവേളക്ക് ശേഷമാണ് ട്രെയിനുകള് ഓടിത്തുടങ്ങുന്നത്. മേയ് 30 മുതല് എല്ലാ ദിവസവും രാവിലെ 6.10 മണിക്ക് എറണാകുളം ജങ്ഷനില്നിന്ന് പുറപ്പെടുന്ന 06438 എറണാകുളം -ഗുരുവായൂര് എക്സ്പ്രസ് 8.45 മണിക്ക് ഗുരുവായൂരിലെത്തും. രാവിലെ 9.05 മണിക്ക് ഗുരുവായൂരില്നിന്ന് പുറപ്പെടുന്ന 06445 ഗുരുവായൂര്-തൃശൂര് എക്സ്പ്രസ് 9.35 മണിക്ക് തൃശൂരിലെത്തും.
മടക്കയാത്രയില് 06446 തൃശൂര് -ഗുരുവായൂര് എക്സ്പ്രസ് 11.25 മണിക്ക് തൃശൂരില്നിന്ന് പുറപ്പെട്ട് 11.55 മണിക്ക് ഗുരുവായൂരിലെത്തും. 06447 ഗുരുവായൂര്- എറണാകുളം എക്സ്പ്രസ് ഉച്ചക്ക് 1.30 മണിക്ക് ഗുരുവായൂരില്നിന്ന് പുറപ്പെട്ട് വൈകീട്ട് 4.40 മണിക്ക് എറണാകുളം ജങ്ഷനില് എത്തിച്ചേരും.
ഗുരുവായൂരിലെ റെയില്വേ മേല്പാലത്തിന്റെയും തൃശൂര് -കുറ്റിപ്പുറം റോഡിന്റെയും നിര്മാണം മൂലം റോഡ് ഗതാഗതം ദുഷ്കരമായ സാഹചര്യത്തില് ഗുരുവായൂരിലേക്കുള്ള പകല് തീവണ്ടികള് ആരംഭിക്കുകയെന്നത് ഏറെ നാളുകളായുള്ള ആവശ്യമായിരുന്നു. കോവിഡ് നിയന്ത്രണങ്ങള്ക്ക് അയവു വന്നതു മുതല് മുതിര്ന്ന പൗരന്മാരടക്കമുള്ള ഭക്തരുടെ വലിയ തിരക്കാണ് ഗുരുവായൂരില് അനുഭവപ്പെടുന്നത്.
Keywords: Thrissur, News, Kerala, Train, COVID-19, Guruvayoor Temple, Day train services from Guruvayur.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
