സാങ്കേതിക തടസ്സമില്ല, പക്ഷേ ജയിച്ചാലും അയോഗ്യത വരും: വി കെ നിഷാദിൻ്റെ തെരഞ്ഞെടുപ്പ് ഭാവിയെക്കുറിച്ച് ആശങ്ക

കണ്ണൂർ: (KVARTHA) പൊലിസിന് നേരെ ബോംബെറിഞ്ഞ കേസിൽ ഇരുപത് വർഷം കഠിന തടവിനും പിഴയടക്കാനും ശിക്ഷിക്കപ്പെട്ട ഡി.വൈ.എഫ്.ഐ ജില്ലാ ജോയൻ്റ് സെക്രട്ടറി വി.കെ നിഷാദ് (35) തദ്ദേശ തെരഞ്ഞെടുപ്പിൽ മത്സര രംഗത്തു തുടരും. തളിപ്പറമ്പ് അഡീഷനൽ സെഷൻസ് കോടതിയുടെ വിധിക്കെതിരെ ഡി.വൈ.എഫ്.ഐ ജില്ലാ ജോയൻ്റ് സെക്രട്ടറിയും പയ്യന്നൂർ നഗരസഭാ കൗൺസിലറുമായ വി.കെ നിഷാദ് ഹൈക്കോടതിയിൽ ഹരജി നൽകിയിട്ടുണ്ട്. പയ്യന്നൂർ നഗരസഭയിലെ വെളളൂർ മൊട്ടമ്മൽ വാർഡിലാണ് ഇയാൾ എൽ.ഡി.എഫ് സ്ഥാനാർത്ഥിയായി മത്സരിക്കുന്നത്.

സാങ്കേതിക തടസമില്ല, വിധി നിർണ്ണായകം

പത്രിക സമർപ്പിച്ചതിനു ശേഷം കോടതി വിധി വന്നതിനാൽ നിഷാദിന് നഗരസഭയിലേക്ക് മത്സരിക്കുന്നതിൽ സാങ്കേതിക തടസമില്ല. എന്നാൽ, നിഷാദ് സമർപ്പിച്ച ഹരജിയിൽ ഹൈക്കോടതി വിധി സ്റ്റേ ചെയ്യാതിരിക്കുകയും തെരഞ്ഞെടുപ്പിൽ വിജയിക്കുകയും ചെയ്താൽ അയോഗ്യനാക്കും. ഇതോടെ സ്ഥാനം രാജിവെച്ചു ഒഴിയേണ്ടി വരും.

ഡമ്മി സ്ഥാനാർത്ഥി പത്രിക പിൻവലിച്ചില്ല

പ്രതികൂല വിധയുണ്ടാകുമെന്ന ധാരണയിൽ ഈ ഡിവിഷനിൽ ഡമ്മി സ്ഥാനാർത്ഥിയായി സി.പി.എം. വെളളൂർ നോർത്ത് ലോക്കൽ കമ്മിറ്റിയംഗം എം. ഹരീന്ദ്രൻ പത്രിക പിൻവലിച്ചിരുന്നില്ല. പൊലിസിനു നേരെ ബോംബെറിഞ്ഞ് വധിക്കാൻ ശ്രമിച്ച കേസിലാണ് പയ്യന്നൂരിലെ ഡി.വൈ.എഫ്.ഐ നേതാക്കളായ വി.കെ നിഷാദ്, ടി.സി.വി നന്ദകുമാർ (35) എന്നിവരെ തളിപ്പറമ്പ് അഡീഷനൽ സെഷൻസ് ജഡ്ജ് കെ.എൻ പ്രശാന്ത് 20 വർഷം കഠിനതടവിനും രണ്ടരലക്ഷം രൂപ പിഴയടക്കാനും ശിക്ഷിച്ചത്. ഡി.വൈ.എഫ്.ഐ പയ്യന്നൂർ ബ്ലോക്ക് വൈസ് പ്രസിഡൻ്റ് കൂടിയാണ് നന്ദകുമാർ.

20 വർഷം തടവിന് ശിക്ഷിക്കപ്പെട്ട സ്ഥാനാർത്ഥി മത്സരിക്കുന്നത് ശരിയാണോ? നിങ്ങളുടെ അഭിപ്രായം പങ്കുവയ്ക്കുക.

Article Summary: Convicted DYFI leader V K Nishad continues local election contest.

 #VKNishad #DYFI #PattuvamCase #LocalElection #HighCourt #LDFCandidate