കണ്ണൂര്‍ താണയില്‍ ഇരുനില കെട്ടിടത്തില്‍ തീപിടുത്തം; തീ നിയന്ത്രണവിധേയമാക്കി
Sep 26, 2021, 17:41 IST
കണ്ണൂര്‍: (www.kvartha.com 26.09.2021) കണ്ണൂര്‍ താണയില്‍ ഇരുനില കെട്ടിടത്തില്‍ തീപിടുത്തം. ഞായറാഴ്ച വെകിട്ട് നാല് മണിയോടെ പണി പൂര്‍ത്തിയായി ഉദ്ഘാടനം ചെയ്യാനിരുന്ന കെട്ടിടത്തിലാണ് തീപിടിത്തം ഉണ്ടായത്. ഹോം അപ്ലൈന്‍സ് സ്ഥാപനം തുടങ്ങാനിരുന്ന ഈ മുറികളുടെ ഇന്റീറിയര്‍ ജോലികളടക്കം കഴിഞ്ഞ ദിവസമായിരുന്നു പൂര്‍ത്തിയാക്കിയത്.
അപകടം നടന്ന സമയത്ത് കെട്ടിടത്തില്‍ ആരും ഉണ്ടായിരുന്നില്ല. സമീപത്തുണ്ടായിരുന്ന പൂട്ടിയിട്ടിരുന്ന രണ്ട് കടകളിലേക്കും തീപടര്‍ന്നു. കടകള്‍ക്ക് ഉള്ളില്‍ സാധനങ്ങളില്ലായിരുന്നത് വലിയ ദുരന്തം ഒഴിവാക്കി. കണ്ണൂരില്‍ നിന്നും മൂന്ന് യൂണിറ്റ് അഗ്നിശമന സേന സംഘം സ്ഥലത്തെത്തിയാണ് തീയണച്ചത്. ഏകദേശം 50 ലക്ഷം രൂപയുടെ നാശ നഷ്ടമുണ്ടായതായി കണക്കാക്കുന്നു. അതേസമയം തീപിടുത്തത്തിന്റെ കാരണം വ്യക്തമല്ല.
Keywords: Kannur, News, Kerala, Fire, Building, Building catches fire in Kannur
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
