Fire Crackers | വീടിന് സമീപം സൂക്ഷിച്ച പടക്കം പൊട്ടിത്തെറിച്ചു; ആളപായമില്ല
ഹരിപ്പാട്: (www.kvartha.com) വീടിന് സമീപം സൂക്ഷിച്ച പടക്കം പൊട്ടിത്തെറിച്ച് അപകടം. ശനിയാഴ്ച ഉച്ചയ്ക്ക് ഒരു മണിയോടെയാണ് ശംസുദ്ദീന്റെ വീട്ടില്‍ സൂക്ഷിച്ചിരുന്ന പടക്കം പൊട്ടിത്തെറിച്ചത്. സംഭവത്തില്‍ ആളപായമില്ലെന്നാണ് വിവരം. ഹരിപ്പാട് പൊലീസും സ്ഥലത്തെത്തി പരിശോധന നടത്തി.
സംഭവത്തെ കുറിച്ച് പൊലീസ് പറയുന്നത്: വീടിന് സമീപം ഷെഡ്ഡില്‍ സൂക്ഷിച്ചിരുന്ന പടക്കം ഉഗ്ര ശബ്ദത്തോടെ പൊട്ടിത്തെറിക്കുകയായിരുന്നു. ശബ്ദം കേട്ട് പ്രദേശവാസികള്‍ പരിഭ്രാന്തരായി. നാട്ടുകാര്‍ വിവരമറിയിച്ചതിനെത്തുടര്‍ന്ന് ഹരിപ്പാട് മാവേലിക്കര സ്റ്റേഷനുകളില്‍ നിന്നും അഗ്‌നിശമനസേനാ വിഭാഗമെത്തി പടക്കം നിര്‍വീര്യമാക്കി. ലൈസന്‍സ് ഇല്ലാതെ അനധികൃതമായി സൂക്ഷിച്ച പടക്കമാണ് പൊട്ടിത്തെറിച്ചത്.
Keywords: News, Kerala, House, Fire, House, Accident, Police, Alappuzha: Fire crackers explode in House.
