1951 മുതല്‍ 2014 വരെ... തെരഞ്ഞെടുപ്പുകളുടെ ചരിത്രം പറയുന്ന കലണ്ടറുമായി ചരിത്ര അധ്യാപകന്‍

കോഴിക്കോട്: (www.kvartha.com 12.04.2019) തെരഞ്ഞെടുപ്പുകളുടെ ചരിത്രം പറയുന്ന കലണ്ടറുമായി ചരിത്രാ അധ്യാപകന്‍. 1951 മുതല്‍ 2014 വരെയുള്ള ലോക്സഭ തെരഞ്ഞെടുപ്പുകളുടെ ചരിത്രം പറയുന്ന കലണ്ടര്‍ ആണ് കോഴിക്കോട് മലബാര്‍ ക്രിസ്ത്യന്‍ കോളജിലെ ചരിത്രവിഭാഗം മേധാവി എം സി വസിഷ്ഠ തയാറാക്കിയത്. 51-52 കാലംമുതല്‍ 2014 വരെയുള്ള വിവിധ തെരഞ്ഞെടുപ്പുകളില്‍ ഉയര്‍ന്നകേട്ട മുദ്രാവാക്യങ്ങളും വിവിധ രാഷ്ട്രിയ പാര്‍ട്ടികളുടെ പ്രചരണ ബോര്‍ഡുകളെക്കുറിച്ചുള്ള ചിത്രങ്ങളും ഓരോ തെരഞ്ഞെടുപ്പിലും വിജയിച്ച രാഷ്ട്രിയ നേതാക്കളുടെ ചിത്രങ്ങളും ഈ കലണ്ടറില്‍ ഉള്‍പ്പെടുത്തിയിട്ടുണ്ട്.

12 താളുകളില്‍ 62 വര്‍ഷത്തെ തെരഞ്ഞെടുപ്പുകളുടെ ചരിത്രമാണ് പ്രൊഫ.വസിഷ്ഠ തയാറാക്കിയിരിക്കുന്നത്. തെരഞ്ഞെടുപ്പ് കലണ്ടര്‍ അവസാനിക്കുന്നത് 2019 ലെ തെരഞ്ഞെടുപ്പിലാണ്. ഇന്ത്യയിലെ പുതിയ വോട്ടര്‍മാരോട് സമ്മതിദാന അവകാശം വിനിയോഗിക്കുക എന്ന സന്ദേശം പ്രചരിപ്പിക്കാനാണ് ഈ കലണ്ടര്‍ തയാറാക്കിയിരിക്കുന്നു എന്നാണ് പ്രൊഫ. വസിഷ്ഠ് പറയുന്നത്.