സോമയാഗം: നെല്ലിന്റെ വിളവെടുപ്പ് തുടങ്ങി

 


തൃശൂര്‍: കോഴിക്കോട് ഫെബ്രുവരി 13 മുതല്‍ 19 വരെ നടക്കുന്ന സോമയാഗത്തിന്റെ പ്രധാന മുദ്രാവാക്യങ്ങളിലൊന്നായ 'എല്ലാവര്‍ക്കും ഭക്ഷണം' സഫലമാക്കുന്നതിനായി ശേഖരിക്കുന്ന നെല്ലിന്റെ വിളവെടുപ്പ് തൃശൂരില്‍ നടന്നു. സോമയാഗത്തിന്റെ സംഘാടകരായ കാശ്യപ വേദ റിസര്‍ച് ഫൗണ്ടേഷന്റെ മേധാവി ആചാര്യ എം.ആര്‍. രാജേഷ് ആദ്യത്തെ കൊയ്ത്ത് നടത്തി. ചേലക്കരയ്ക്കു സമീപം എളനാട് പാടശേഖരത്തില്‍ നടത്തിയ വിളവെടുപ്പില്‍ നൂറിലേറെ വോളന്റിയര്‍മാരും കര്‍ഷകരും പങ്കെടുത്തു.

സോപാനഗായകന്‍ ഞെരളത്തു ഹരിഗോവിന്ദന്‍ കൊയ്ത്തുല്‍സവം ഉദ്ഘാടനം ചെയ്തു. തുടര്‍ന്ന് അഥര്‍വവേദത്തിലെ ഭൂസൂക്തം അന്തരീക്ഷത്തില്‍ മുഴങ്ങി. 15 ഏക്കറിലായി കൃഷിചെയ്ത ജ്യോതി ഇനത്തില്‍പെട്ട നെല്ലില്‍ നിന്ന് 22.5 ടണ്‍ അരി ലഭിക്കുമെന്നാണ് കരുതുന്നത്. തൃശൂര്‍ ബ്രഹ്മസ്വം മഠത്തിന്റെ മുന്‍ പ്രസിഡണ്ട് വേദപണ്ഡിതന്‍ വടക്കുംപാട്ട് നാരായണന്‍ നമ്പൂതിരിയാണ് കൊയ്ത്തിന് നേതൃത്വം നല്‍കിയത്.
സോമയാഗം: നെല്ലിന്റെ വിളവെടുപ്പ് തുടങ്ങി
ക്രിസ്ത്യന്‍ മത വിഭാഗത്തില്‍പെട്ട ജാന്‍ഫിയുടെ നേതൃത്വത്തില്‍ നടത്തിയ നെല്‍കൃഷിക്ക് മാര്‍ഗനിര്‍ദേശം നല്‍കിയത് ജന്മംകൊണ്ട് മുസ്ലീമായ പ്രമുഖ പ്രകൃതി കര്‍ഷകന്‍ കെ.എം. ഹിലാലാണ്. ജാതിമതങ്ങള്‍ക്കതീതമായ കെ.വി.ആര്‍.എഫിന്റെ സന്ദേശം വിളിച്ചോതുന്നതായിരുന്നു കൃഷിയും വിളവെടുപ്പുമെല്ലാം. ഇതാദ്യമായാണ് ആധുനിക ഇന്ത്യയില്‍ ഇത്തരമൊരു ചടങ്ങ് നടക്കുന്നത്. ഒരു യാഗത്തിനാവശ്യമായ ഭക്ഷ്യധാന്യങ്ങള്‍ മുഴുവനും ഈ രീതിയില്‍ വിളയിച്ചെടുക്കുന്നത്.

സോമയാഗത്തിന്റെയും അതിന്റെ ഭാഗമായി പ്രകൃതി കൃഷിയെന്ന ആശത്തിന്റെയും ഉപജ്ഞാതാവായ ആചാര്യ എം.ആര്‍. രാജേഷ് ചടങ്ങില്‍ അധ്യക്ഷത വഹിച്ചു. ഭൂമാതാവിനേയും കൃഷിയേയും പ്രകീര്‍ത്തിക്കുന്ന ഏതാനും ശ്‌ളോകങ്ങള്‍ ഹരിഗോവിന്ദന്‍ ആലപിച്ചു. രാസവളങ്ങളും കീടനാശിനികളും പൂര്‍ണമായും ഒഴിവാക്കി ചാണകവും ഗോമൂത്രവും പോലുള്ള ജൈവിക വസ്തുക്കള്‍ ഉപയോഗിപ്പെടുത്തിയാണ് നെല്‍കൃഷി നടത്തിയിരിക്കുന്നത്. കൊയ്‌തെടുത്ത നെല്ല് അരിയാക്കുന്നതിനായി മില്ലിലേക്കു മാറ്റിക്കഴിഞ്ഞു. കാരപ്പറമ്പിലെ യാഗശാലയില്‍ ഈയാഴ്ച തന്നെ അരിയെത്തും. അഞ്ചുലക്ഷത്തിലേറെപ്പേര്‍ യാഗത്തിന്റെ ഭാഗമായ'എല്ലാവര്‍ക്കും ഭക്ഷണം' പരിപാടിയില്‍    പങ്കെടുക്കാനെത്തുമെന്നാണ് കരുതുന്നത്.

എല്ലാവര്‍ക്കും അന്നദാനം ഉണ്ടായിരിക്കുമെന്നതാണ് യാഗത്തിന്റെ ഏറ്റവും വലിയ പ്രത്യേകത. 2013 ഒക്ടോബര്‍ 13നായിരുന്നു എളനാട്ടിലെ പാടശേഖരത്തില്‍ വിത്തുവിതച്ചത്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം.

Keywords : Thrishure, Kerala, Agriculture, Malayalam News, National News, Kerala News, International News,& Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News Malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.
ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

wellfitindia