(KVARTHA) ഇത്തവണത്തെ ഐപിഎൽ ഫൈനൽ അതിന്റെ അവസാന നിമിഷങ്ങളിലേക്ക് കടന്നപ്പോൾ ക്യാമറക്കണ്ണുകൾ വിരാട് കോലിയിലായിരുന്നു. അദ്ദേഹത്തിന്റെ കണ്ണുകൾ അപ്പോഴേക്കും ഒന്ന് പെയ്തൊഴിയാനായി വെമ്പുന്നുണ്ടായിരുന്നു. റോയൽ ചലഞ്ചേഴ്‌സ് ബെംഗളൂരു (ആർസിബി) വിജയം ഉറപ്പിച്ച ഘട്ടത്തിൽ കോലി, ബൗണ്ടറിക്ക് അപ്പുറം നിന്നിരുന്ന എബി ഡിവില്ലിയേഴ്സിന് നേരെ വിരൽ ചൂണ്ടി, 'എബി ഈ കിരീടം നിങ്ങളുടേത് കൂടിയാണ്' എന്ന് പറയാതെ പറഞ്ഞു.

ജോഷ് ഹേസൽവുഡ് അവസാന പന്തെറിഞ്ഞു തീർന്നതിനു പിന്നാലെ കോലിയുടെ കണ്ണിൽ നിന്ന് ആനന്ദം അണപൊട്ടിയൊഴുകി. ഐപിഎല്ലിന്റെ 18 വർഷക്കാലം ഒരു ടീമിന് മാത്രം കളിച്ച ഒരേയൊരു താരം കോലിയായിരുന്നു. ഒരു ഐപിഎൽ കിരീടത്തിനായി അയാൾക്ക് കാത്തിരിക്കേണ്ടി വന്നതും 18 വർഷം.

2016-ൽ തന്റെ ഏറ്റവും മികച്ച പ്രകടനം പുറത്തെടുത്തിട്ടും, ഡിവില്ലിയേഴ്സും ക്രിസ് ഗെയ്‌ലും ഒപ്പമുണ്ടായിരുന്നിട്ടും കൈവിട്ടുപോയ ആ കിരീടം ഒടുവിൽ സ്വന്തമാക്കിയതിനു പിന്നാലെ കോലി സംസാരിച്ചതൊക്കെയും ടീം അംഗങ്ങളെക്കുറിച്ചായിരുന്നു. കിരീട നേട്ടത്തിനു പിന്നാലെ മുൻ ഓസീസ് താരം മാത്യു ഹെയ്ഡനുമായി സംസാരിക്കുമ്പോഴും കോലി വാചാലനായത് മുഴുവനും സഹതാരങ്ങളെക്കുറിച്ചും ഇത്രയും കാലം പിന്തുണ നൽകിയ ആർസിബി ആരാധകരെക്കുറിച്ചുമായിരുന്നു.

The Hug Moments of Virat Kohli & Ab De Villiers when won the IPL Trophy. ❤️🥹#RCBvsPBKS #ViratKohli𓃵 #IPLFinals pic.twitter.com/fcwGLkKgVQ

— Cricket With Manmohan (@GarhManmohan) June 4, 2025

ആർസിബി ടീമിനെ പോലെ തന്നെ ആരാധകരും ഒരുപോലെ അർഹിച്ച കിരീടനേട്ടമാണിതെന്ന് കോലി പറഞ്ഞു. തന്റെ യുവത്വവും നല്ല കാലവും പരിചയസമ്പത്തുമെല്ലാം ഈ ടീമിനാണ് നൽകിയത്. കിരീട നേട്ടത്തിനായി സാധ്യമായതെല്ലാം ചെയ്തു. എബി ഡിവില്ലിയേഴ്സ് ആർസിബിക്കായി ചെയ്ത കാര്യങ്ങളെല്ലാം ഈ നിമിഷം ഓർക്കുന്നു. ഈ നിമിഷം അദ്ദേഹത്തിനൊപ്പം ഉണ്ടെന്ന് കോലി കൂട്ടിച്ചേർത്തു.

മുൻ ആർസിബി താരങ്ങളായ ക്രിസ് ഗെയ്‌ലും ഡിവില്ലിയേഴ്സും ഫൈനൽ മത്സരം കാണാൻ അഹമ്മദാബാദിൽ എത്തിയിരുന്നു. കിരീട നേട്ടത്തിനു പിന്നാലെ ഇരുവരുമൊത്തും കോലി വിജയം ആഘോഷിക്കുകയും ചെയ്തു.

കോലിയുടെയും RCBയുടെയും ഈ ചരിത്രപരമായ വിജയത്തെക്കുറിച്ച് നിങ്ങളുടെ അഭിപ്രായം പങ്കുവെക്കുക.

ഈ ഐപിഎൽ കിരീട നേട്ടം ആർസിബി ആരാധകർക്ക് എത്രത്തോളം പ്രധാനമാണ്? നിങ്ങളുടെ പ്രതികരണങ്ങൾ അറിയിക്കുക.

Article Summary: Virat Kohli dedicates RCB's 18-year awaited IPL title to AB de Villiers.

#IPLFinal #RCB #ViratKohli #ABDevilliers #Cricket #IPLChampions