കൊച്ചി: (KVARTHA) ഐഫോണ്‍ 16 വില്‍പന ഇൻഡ്യയിൽ വെള്ളിയാഴ്ച രാവിലെ മുതൽ ആരംഭിച്ചു. ഡൽഹിയിലെയും മുംബൈയിലെയും ഔദ്യോഗിക ആപ്പിൾ സ്റ്റോറുകൾ രാവിലെ എട്ട് മണിക്ക് തുറന്നപ്പോൾ രണ്ട് സ്റ്റോറുകൾക്കും പുറത്തും ഉപഭോക്താക്കളുടെ നീണ്ട നിര കാണപ്പെട്ടു. മുംബൈ ബാന്ദ്ര കുർള കോംപ്ലക്‌സിലെയും ന്യൂഡൽഹിയിലെ സാകേതിലെയും ആപ്പിൾ സ്റ്റോറുകളിൽ നിന്നുള്ള ജനത്തിരക്കിന്റെ ദൃശ്യങ്ങൾ സാമൂഹ്യ മാധ്യമങ്ങളില്‍ വൈറലായി. 

മുന്‍ വര്‍ഷങ്ങളിലും സമാന രീതിയിൽ നീണ്ട നിരയുണ്ടായിരുന്നു. ആപ്പിൾ തങ്ങളുടെ ഏറ്റവും പുതിയ തലമുറ ഐഫോൺ 16 സീരീസ് സെപ്റ്റംബർ ഒമ്പതിനാണ് പുറത്തിറക്കിയത്. ഐഫോൺ 16, ഐഫോൺ 16 പ്ലസ്, ഐഫോൺ 16 പ്രോ, ഐഫോൺ 16 പ്രോ മാക്‌സ് എന്നീ മോഡലുകൾ അടങ്ങുന്ന ഈ സീരീസ് വാർഷിക ‘ഇറ്റ്‌സ് ഗ്ലോടൈം’ ലോഞ്ച് ഇവന്റിലാണ് അവതരിപ്പിച്ചത്.

ഐഫോൺ 16-ന്റെ വില ഇൻഡ്യയിൽ  79,900 രൂപയിൽ തുടങ്ങുന്നു. ഐഫോൺ 16 പ്ലസിന്റെ വില 89,900 രൂപ മുതലും കൂടുതൽ സവിശേഷതകളോടുകൂടിയ ഐഫോൺ 16 പ്രോയുടെ വില 1,19,900 രൂപ മുതലുമാണ്. ഈ സീരിസിലെ ഏറ്റവും ഉയർന്ന മോഡലായ ഐഫോൺ 16 പ്രോ മാക്സിന്റെ വില 1,44,900 രൂപയാണ്. ബ്ലിങ്കിറ്റ്, സെപ്‌റ്റോ, ബിഗ്ബാസ്‌ക്കറ്റ്, ഫ്ലിപ്കാർട്ട് മിനിറ്റ്സ് തുടങ്ങിയ ഇ - കൊമേഴ്‌സ് പ്ലാറ്റ്‌ഫോമുകളിലും ഫോൺ ലഭ്യമാണ്.

ആദ്യ ദിനത്തിൽ തന്നെ സ്വന്തമാക്കിയവരിൽ നടൻ ദിലീപും 

മലയാളികളും ഐഫോൺ 16 സ്വന്തമാക്കാൻ തിരക്ക് കൂട്ടി. നടൻ ദിലീപ് വിൽപന ആരംഭിച്ച് മണിക്കൂറുകൾക്കുള്ളിൽ ഐഫോൺ 16 പ്രോ മാക്സ് സ്വന്തമാക്കി. ഐഫോൺ വിതരണ - സർവീസ്  രംഗത്തെ പ്രമുഖ ബ്രാൻഡ് ആയ കൊച്ചിയിലെ ഐ സ്പെയർ എന്ന സ്ഥാപനത്തിൽ നിന്നാണ് താരം ഐഫോൺ കരസ്ഥമാക്കിയത്. ഐ സ്പെയറിന്റെ സിഎംഡി നിസാം മുസാഫിർ, പാർട്നർ സൂരജ് എസ്കെ എന്നിവർ ചേർന്ന് നേരിട്ട് ദിലീപിന് ഈ ഫോൺ കൈമാറി.

മികച്ച ഫീച്ചറുകൾ 

ആപ്പിൾ ഐഫോൺ 16 ഒരു പുത്തൻ അനുഭവം സമ്മാനിക്കുന്നു. അതിശക്തമായ എ18 ചിപ്പ്, മികച്ച ക്യാമറ, ആകർഷകമായ ഡിസൈൻ എന്നിവയാണ് ഈ ഫോണിന്റെ പ്രധാന ആകർഷണങ്ങൾ. ആക്ഷൻ ബട്ടൺ, പുതിയ ക്യാമറ നിയന്ത്രണ സവിശേഷതകൾ എന്നിവ ഉപയോഗിച്ച് ഫോൺ ഉപയോഗം കൂടുതൽ എളുപ്പമാക്കിയിരിക്കുന്നു. 

48 മെഗാപിക്സൽ പ്രധാന ക്യാമറ, ഡോൾബി വിഷൻ എച്ച്ഡി ആർ, 12എംപി അൾട്രാ-വൈഡ് ക്യാമറ എന്നിവയോടെ ഫോട്ടോഗ്രാഫി ഒരു പുതിയ ഉയരത്തിലേക്ക് എത്തിക്കുന്നു. ആപ്പിൾ ഇൻ്റലിജൻസ് എന്ന എ ഐ സവിശേഷത നിങ്ങളുടെ ഡാറ്റ സുരക്ഷിതമായി സൂക്ഷിക്കുന്നതിനും നിങ്ങളുടെ ആവശ്യങ്ങൾ മനസ്സിലാക്കുന്നതിനും സഹായിക്കുന്നു. 

വലിയ ശേഷിയുള്ള ബാറ്ററി, വേഗതയേറിയ ചാർജിംഗ് എന്നിവയും ഈ ഫോണിന്റെ മികവ് വർദ്ധിപ്പിക്കുന്നു. 6.1 ഇഞ്ച് (ഐഫോൺ 16) മുതൽ 6.7 ഇഞ്ച് (ഐഫോൺ 16 പ്ലസ്) വരെ വലുപ്പമുള്ള പ്രൊമോഷൻ ഡിസ്പ്ലേകൾ, എപ്പോഴും 120 ഹെട്സ്  റിഫ്രെഷ്‌റേറ്റ് നൽകി അതിവേഗ വിനോദാനുഭവം സമ്മാനിക്കുന്നു. ബ്ലാക്ക്, വൈറ്റ്, നാച്ചുറൽ എന്നീ നിറങ്ങളോടൊപ്പം പുതിയ ഡെസേർട്ട് ടൈറ്റാനിയം നിറവും ലഭ്യമാണ്.
 #iPhone16 #Apple #IndiaLaunch #Dileep #NewiPhone #Tech #Gadget