ഷാര്‍ജ: (KVARTHA) നീന്തല്‍ കുളത്തില്‍ വീണ് മലയാളി യുവാവ് മുങ്ങി മരിച്ചു. പത്തനംതിട്ട കിടങ്ങന്നൂര്‍ നാല്‍ക്കാലിക്കല്‍ പീടികയില്‍ ജോണ്‍സണ്‍ തോമസിന്റെ മകന്‍ ജോവ ജോണ്‍സണ്‍ തോമസ് (20) ആണ് മരിച്ചത്. 

ഞായറാഴ്ച രാത്രി നീന്തല്‍ക്കുളത്തിന് സമീപത്തുകൂടി മൊബൈല്‍ ഫോണില്‍ സംസാരിച്ച് നടക്കുന്നതിനിടെ അപകടത്തില്‍പെടുകയായിരുന്നു. ഫോണില്‍ സംസാരിച്ച് നടന്നുപോകവേ ജോവ ജോണ്‍സണ്‍ അബദ്ധത്തില്‍ കാല്‍വഴുതി കുളത്തിലേക്ക് വീഴുകയായിരുന്നു. നീന്തല്‍ അറിയാത്തതിനാല്‍ രക്ഷപ്പെടാനായില്ല.

ഷാര്‍ജയില്‍ ഓയില്‍ കമ്പനിയില്‍ കെമിക്കല്‍ ലാബ് അസിസ്റ്റന്റായി ജോലി ചെയ്തുവരികയായിരുന്നു. ഒമ്പത് മാസം മുമ്പാണ് ജോവ ഷാര്‍ജയില്‍ എത്തിയത്. പിതാവ് ജോണ്‍സണ്‍ ഫുജൈറയില്‍ അലുമിനിയം ഫാബ്രിക്കേഷന്‍ കട നടത്തിവരികയാണ്. മൃതദേഹം നാട്ടിലെത്തിക്കാനുള്ള ശ്രമത്തിലാണെന്ന് ബന്ധുക്കള്‍ അറിയിച്ചു.

ഈ വാർത്ത നിങ്ങളുടെ സുഹൃത്തുക്കളുമായി പങ്കുവെച്ച് അഭിപ്രായങ്ങൾ താഴെ കമന്റ് ചെയ്യുക.

20-year-old Indian youth, Jova Johnson Thomas, died after accidentally falling into a swimming pool in Sharjah while talking on his mobile phone. He was a lab assistant at an oil company and had been in Sharjah for nine months. He was a native of Pathanamthitta, Kerala.

#SharjahAccident #SwimmingPoolDeath #IndianYouth #Kerala #Tragedy #MobilePhoneAccident