മസ്കറ്റ്: (KVARTHA) തെക്കൻ ഒമാനിൽ റിക്ടർ സ്കെയിലിൽ 5.1 തീവ്രത രേഖപ്പെടുത്തിയ ഭൂചലനം അനുഭവപ്പെട്ടു. സുൽത്താൻ ഖാബൂസ് സർവ്വകലാശാലയിലെ ഭൂകമ്പ നിരീക്ഷണ കേന്ദ്രം അറിയിച്ചതനുസരിച്ച്, ദോഫാർ ഗവർണറേറ്റിലെ ഷാലിം വിലായത്തിലെ ഹല്ലാനിയത്ത് ദ്വീപുകൾക്ക് സമീപമാണ് നേരിയ ഭൂകമ്പം ഉണ്ടായത്. പ്രാദേശിക സമയം ഉച്ചയ്ക്ക് 2.32 ഓടെയാണ് ഭൂചലനം അനുഭവപ്പെട്ടത്. സലാലയിൽ നിന്ന് ഏകദേശം 155 കിലോമീറ്റർ വടക്കുകിഴക്കായി നാല് കിലോമീറ്റർ ആഴത്തിലായിരുന്നു ഭൂകമ്പത്തിന്റെ പ്രഭവകേന്ദ്രം. ആളപായങ്ങളോ നാശനഷ്ടങ്ങളോ ഇതുവരെ റിപ്പോർട്ട് ചെയ്തിട്ടില്ലെന്നും അധികൃതർ അറിയിച്ചു. ഭൂചലനം ഉണ്ടായ പ്രദേശം നിരീക്ഷണത്തിലാണ്.

അതേസമയം, ഒമാനിൽ ഉണ്ടായ ഭൂകമ്പത്തിന്റെ പ്രകമ്പനം യുഎഇയിൽ അനുഭവപ്പെട്ടിട്ടില്ലെന്ന് അധികൃതർ വ്യക്തമാക്കി. യുഎഇ സജീവമായ ഭൂകമ്പ സാധ്യതയുള്ള പ്രദേശമല്ലെന്നും ജനങ്ങൾ സുരക്ഷിതരാണെന്നും ആരും പരിഭ്രാന്തരാകേണ്ടതില്ലെന്നും സീസ്‌മോളജി വിഭാഗം ഡയറക്ടർ ഖലീഫ അൽ ഇബ്രി അറിയിച്ചു.

ഈ വാർത്ത നിങ്ങൾക്ക് ഉപകാരപ്രദമായെങ്കിൽ ഷെയർ ചെയ്യുക. അഭിപ്രായങ്ങള്‍ താഴെ കമന്റ് ബോക്സിൽ രേഖപ്പെടുത്തുക.

5.1 magnitude earthquake struck southern Oman near the Hallaniyat Islands. No casualties or major damage reported. Tremors were not felt in the UAE, which is considered a low-risk seismic zone.

#OmanEarthquake, #SeismicActivity, #Dhofar, #UAE, #NoDamage, #News