ബിഗ് ടികെറ്റ് നറുക്കെടുപ്പില്‍ 30 കോടി രൂപയുടെ ഭാഗ്യം സ്വന്തമാക്കിയത് മലയാളി; സമ്മാനത്തുക സുഹൃത്തുക്കളുമായി തുല്യമായി വീതിക്കുമെന്ന് സനൂപ്
Aug 5, 2021, 12:36 IST
അബൂദബി: (www.kvartha.com 05.08.2021) മലയാളി യുവാവിന് അബൂദബി ബിഗ് ടികെറ്റ് നറുക്കെടുപ്പില്‍ 30 കോടിയുടെ ഭാഗ്യം. വൈറ്റില സ്വദേശി സനൂപ് സുനില്‍ (32) ആണ് ആ ഭാഗ്യം സ്വന്തമാക്കിയത്. നടന്‍ ഹരിശ്രീ അശോകന്റെ മരുമകന്‍ കൂടിയായ സനൂപ് ഖത്വറിലെ ലുലു ഹൈപെര്‍ മാര്‍കെറ്റ് ജീവനക്കാരനാണ്. തന്റെ സഹപ്രവര്‍ത്തകര്‍ക്കൊപ്പമാണ് സനൂപ് ടികെറ്റെടുത്തത്.
ലുലുവിലെ 19 മലയാളികളും ഒരു തമിഴ്‌നാട് സ്വദേശിയും തുല്യമായി പങ്കിട്ടാണ് 1000 ദിര്‍ഹമിന്റെ (ഏകദേശം 20,000 രൂപ) ടികെറ്റ് ഓണ്‍ലൈനായി എടുത്തത്. സമ്മാനത്തുകയും തുല്യമായി വീതിക്കുമെന്ന് സനൂപ് അറിയിച്ചു. ഒന്നര കോടിയോളം രൂപയാണ് ഓരോരുത്തര്‍ക്കും ലഭിക്കുക.
നറുക്കെടുപ്പിന് ശേഷം ടികെറ്റ് ഉടമയെ കണ്ടെത്താന്‍ അധികൃതര്‍ക്ക് കഴിഞ്ഞിരുന്നില്ല. ഏറെ ഫോണ്‍വിളികള്‍ക്ക് ശേഷമാണ് ഭാഗ്യവാനെ കണ്ടെത്താനായത്. ഹരിശ്രീ അശോകന്റെ മകള്‍ ശ്രീക്കുട്ടിയാണ് സനൂപിന്റെ ഭാര്യ. മൂന്നുവയസുകാരന്‍ മകനുണ്ട്.
Keywords: Abu Dhabi, News, Gulf, World, Lottery, Winner, Malayali won Rs 30 crore in the Big Ticket draw
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
