ദുബൈ കെഎംസിസിയെ ബന്ധപ്പെടുത്തി സോഷ്യല്‍ മീഡിയയില്‍ അവാസ്തവ വിവരങ്ങള്‍ കൈമാറിയാല്‍ നിയമ നടപടി

ദുബൈ: (www.kvartha.com 24.04.2020) ദുബൈ കെഎംസിസിയെ ബന്ധപ്പെടുത്തി സോഷ്യല്‍ മീഡിയയില്‍ അവാസ്തവ വിവരങ്ങള്‍ കൈമാറിയാല്‍ നിയമ നടപടി നേരിടേണ്ടി വരുമെന്ന് സംസ്ഥാന പ്രസിഡന്റ് ഇബ്രാഹിം എളേറ്റില്‍ അറിയിച്ചു. ദുബൈ കെഎംസിസിയെ ബന്ധപ്പെടുത്തി അവാസ്തവമായ കാര്യങ്ങള്‍ അടുത്തിടെയായി സോഷ്യല്‍ മീഡിയയില്‍ പ്രത്യക്ഷപ്പെട്ടു കണ്ടു. അത് ചെയ്യുന്നവരും പങ്കുവെക്കുന്നവരും ഒരുപോലെ കുറ്റക്കാരാണ്.

ദുബൈ കെഎംസിസി ദുബൈ ഗവണ്‍മെന്റിന്റെ നിയമങ്ങള്‍ക്കനുസൃതമായി കമ്യൂണിറ്റി ഡെവലപ്മെന്റ് അതോറിറ്റിയുടെയും മതകാര്യ വകുപ്പിന്റെയും ലൈസന്‍സില്‍ സ്വന്തമായ ആസ്ഥാനത്തോടെ പ്രവര്‍ത്തിക്കുന്ന പ്രസ്ഥാനമാണ്. സംസ്ഥാന കമ്മിറ്റിയാണ് അതിന്റെ പ്രവര്‍ത്തനങ്ങള്‍ ചുമതലാപൂര്‍വം നിര്‍വഹിക്കുന്നത്. തെറ്റായ കാര്യങ്ങള്‍ സോഷ്യല്‍ മീഡിയയില്‍ പ്രചരിപ്പിച്ചാല്‍ അവര്‍ക്കെതിരെ കടുത്ത നിയമ നടപടികള്‍ സ്വീകരിക്കുമെന്നും അദ്ദേഹം വ്യക്തമാക്കി.


Keywords:  Dubai, News, Gulf, World, KMCC, Fake, Legal action, Fake information, Dubai KMCC, Social media, Share, Legal action will be taken against fake information