കൊവിഡ് 19; രോഗബാധിതരെ ചികിത്സിക്കാന്‍ യുഎഇയില്‍ മൂന്ന് താല്‍കാലിക ആശുപത്രികള്‍ കൂടി തുറക്കുന്നു
Apr 22, 2020, 10:26 IST
ADVERTISEMENT
അബൂദബി: (www.kvartha.com 22.04.2020) യുഎഇയില്‍ കൊവിഡ് 19 ബാധിതരെ ചികിത്സിക്കാന്‍ മൂന്ന് താല്‍കാലിക ആശുപത്രികള്‍ കൂടി തുറക്കുന്നു. അബൂദബിയില്‍ പുതിയ രണ്ട് ഫീല്‍ഡ് ആശുപത്രികളും, ദുബൈയില്‍ മറ്റൊരു ആശുപത്രിയുമാണ് അബൂദബി ഹെല്‍ത്ത് സര്‍വീസസ് കമ്പനിയുടെ നേതൃത്വത്തില്‍ സജ്ജമാക്കുന്നത്. ആശുപത്രികളില്‍ 3,400 രോഗികളെ ഒരേ സമയം കിടത്തി ചികിത്സിക്കാന്‍ സൗകര്യമുണ്ടാകും.
അബൂദബി മുഹമ്മദ് ബിന്‍ സായിദ് സിറ്റിയിലെ ഹൂമാനിറ്റേറിയന്‍ സിറ്റിയിലെ നിര്‍മിക്കുന്ന ആശുപത്രിയില്‍ 1200 കൊവിഡ് ബാധിതരെ ചികിത്സിക്കാം. ഇവിടെ 200 ആരോഗ്യപ്രവര്‍ത്തകര്‍ക്കുള്ള സൗകര്യവും ഉണ്ടാകും. മേയ് ആദ്യവാരം ഈ ആശുപത്രിയില്‍ രോഗികളെ പ്രവേശിപ്പിക്കും. പ്രശസ്തമായ അബൂദബി എക്‌സിബിഷന്‍ സെന്ററും താല്‍കാലിക ആശുപത്രിയാക്കി മാറ്റുകയാണ്. ഇവിടെ 1,000 രോഗികളെ ചികിത്സിക്കാന്‍ കഴിയും. 100 ആരോഗ്യപ്രവര്‍ത്തകര്‍ക്കും സൗകര്യമുണ്ടാകും.
ദുബൈയിലെ വിനോദസഞ്ചാര കേന്ദ്രമായ ദുബൈ പാര്‍ക്‌സ് ആന്‍ഡ് റിസോര്‍ട്ട്‌സില്‍ 1200 രോഗബാധിതരെ ചികിത്സിക്കാം. 200 ആരോഗ്യപ്രവര്‍ത്തകര്‍ക്കും സൗകര്യമുണ്ടാകും. ദുബൈയിലെ ആശുപത്രി ഈമാസം തന്നെ പ്രവര്‍ത്തന സജ്ജമാകും.
Keywords: Abu Dhabi, News, Gulf, World, Hospital, COVID19, Health, Treatment, Patient, UAE, Covid 19: UAE setting up 3 more field hospitals to fight outbreak
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
