കോറോണ വൈറസിന്റെ പുതിയ രൂപം; സൗദി അതിര്ത്തികള് ഒരാഴ്ചത്തേക്ക് അടച്ചു, വിമാന സര്വീസുകള് റദ്ദാക്കി
Dec 21, 2020, 12:06 IST
ADVERTISEMENT
അബൂദബി: (www.kvartha.com 21.12.2020) ബ്രിട്ടനില് കണ്ടെത്തിയ കോറോണ വൈറസിന്റെ പുതിയ രൂപം അതിവേഗം പടരുന്ന സാഹചര്യത്തില് അതീവ ജാഗ്രതയിലാണ് ലോകം. വൈറസ് വ്യാപനം കണക്കിലെടുത്ത് സൗദി ഒരാഴ്ചത്തേക്ക് അതിര്ത്തികള് അടച്ചു. എല്ലാ വിദേശ വിമാന സര്വീസുകളും റദ്ദാക്കി. കടല്മാര്ഗവും കരമാര്ഗവും രാജ്യത്തേക്ക് യാത്രക്കാരുടെ പ്രവേശനവും വിലക്കിയിട്ടുണ്ട്. കോവിഡ് സ്ഥിതിഗതികള് വിലയിരുത്തി ആരോഗ്യമന്ത്രാലയത്തിന്റെ നിര്ദേശങ്ങള് കണക്കിലെടുത്ത് ആവശ്യമെങ്കില് യാത്രാനിരോധനം തുടരുമെന്നുമാണ് സൗദി ആഭ്യന്തര മന്ത്രാലയ വൃത്തങ്ങള് വ്യക്തമാക്കുന്നത്.
നിലവില് സൗദിയിലുളള വിമാനങ്ങള്ക്ക് നിരോധനം ബാധകമാവില്ല. ഈ വിമാനങ്ങള്ക്ക് മടങ്ങാന് അനുമതി നല്കിയിട്ടുണ്ട്. കോവിഡ് ബാധയില്ലാത്ത രാജ്യങ്ങളിലേക്കുളള സഹായ വിതരണത്തെയും ചരക്കുനീക്കത്തേയും നിരോധനം ബാധിക്കില്ല. നിരവധി രാജ്യങ്ങളില് കോവിഡിന്റെ പുതിയ രൂപം കണ്ടെത്തിയതിന്റെ പശ്ചാത്തലത്തില്, പൊതുജനാരോഗ്യവും സുരക്ഷയും കണക്കിലെടുത്ത് വൈറസിനെ കുറിച്ചുളള വിവരങ്ങളില് വ്യക്തത വരുന്നത് വരെ ചില നിയന്ത്രണങ്ങള് ഏര്പ്പെടുത്തുകയാണെന്നാണ് സൗദി പ്രസ്താവനയില് അറിയിച്ചത്.
Keywords: Abu Dhabi, News, Gulf, World, COVID-19, virus, Flight, Border, Covid 19: Saudi Arabia closed borders amid concerns over new strain
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
