Air India | കുവൈതില്‍ നിന്നുള്ള കണ്ണൂര്‍ യാത്രക്കാര്‍ക്ക് ആശ്വാസം; ഇനി എയര്‍ ഇന്‍ഡ്യ എക്‌സ്പ്രസ് ആഴ്ചയില്‍ 2 ദിവസം
Oct 14, 2023, 11:18 IST
ADVERTISEMENT
കുവൈത് സിറ്റി: (KVARTHA) ഇനി കുവൈത്-കണ്ണൂര്‍ സെക്ടറില്‍ എയര്‍ ഇന്‍ഡ്യ എക്‌സ്പ്രസ് ആഴ്ചയില്‍ രണ്ട് സര്‍വീസുകള്‍ ഉണ്ടാകും. കുവൈതില്‍ നിന്നുള്ള കണ്ണൂര്‍ യാത്രക്കാര്‍ക്ക് ആശ്വാസം നല്‍കുന്ന വാര്‍ത്തയാണിത്. നിലവില്‍ വ്യാഴാഴ്ച മാത്രമാണ് സര്‍വീസുള്ളത്. ഒക്ടോബര്‍ 30 മുതല്‍ എല്ലാ തിങ്കളാഴ്ചകളിലും ഒരു സര്‍വീസ് കൂടി ഉണ്ടാകും.
തിങ്കളാഴ്ച ദിവസങ്ങളില്‍ പുലര്‍ചെ 4.40 മണിക്ക് കണ്ണൂരില്‍ നിന്ന് പുറപ്പെടുന്ന വിമാനം 7.40 മണിക്ക് കുവൈതില്‍ എത്തും. തിരിച്ച് കുവൈതില്‍ നിന്ന് 8.40 മണിക്ക് പുറപ്പെട്ട് വൈകീട്ട് നാലിന് കണ്ണൂരിലെത്തും. കണ്ണൂരിലേക്ക് കുവൈതില്‍നിന്ന് ആഴ്ചയില്‍ മൂന്നു ദിവസം സര്‍വീസ് നടത്തിയിരുന്ന ഗോഫസ്റ്റ് നിലച്ചതോടെ ഈ മേഖലയിലുള്ളവരുടെ യാത്ര ദുരിതമായിരുന്നു.
കോഴിക്കോട് ജില്ലയിലെയും കണ്ണൂരിലെയും കോയമ്പത്തൂരിലെയും യാത്രക്കാര്‍ ആശ്രയിച്ചിരുന്നത് കണ്ണൂര്‍ വിമാനത്താവളത്തെയായിരുന്നു. ഗോഫസ്റ്റ് സര്‍വിസ് നിലച്ചതോടെ ബംഗളൂരു, കോഴിക്കോട്, കൊച്ചി എന്നിവിടങ്ങളിലേക്ക് ടികറ്റ് സംഘടിപ്പിച്ചാണ് കഴിഞ്ഞ അവധിക്കാലത്ത് പലരും നാട്ടിലേക്ക് തിരിക്കുന്നത്.
Keywords: News, World, Air India Express, Air India, Flight, Week, Travel, Passengers, Kuwait, Kannur, Air India Express two days a week.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
