ദുബൈ: (KVARTHA) കാൽനടയാത്രക്കാർ നിർദേശിക്കാത്ത ഇടങ്ങളിലൂടെ റോഡ് മുറിച്ചുകടക്കുന്നത് ഗുരുതരമായ അപകടങ്ങൾക്ക് വഴിയൊരുക്കുമെന്ന് ദുബൈ പൊലീസ് മുന്നറിയിപ്പ് നൽകി. കാൽനടയാത്രക്കാർ മാർഗനിർദേശങ്ങൾ പാലിക്കണമെന്നും റോഡ് മുറിച്ചുകടക്കുന്നതിന് മുമ്പ് വാഹനങ്ങൾ റോഡിലില്ലെന്ന് ഉറപ്പാക്കണമെന്നും നായിഫ് പൊലീസ് സ്റ്റേഷൻ ഡെപ്യൂട്ടി ഡയറക്ടർ ബ്രിഗേഡിയർ ഒമർ മൗസ അഷൂർ പറഞ്ഞു.

വാഹനമോടിക്കുന്നവർ വേഗപരിധി പാലിക്കുകയും കാൽനടയാത്രക്കാരോട് ജാഗ്രത പാലിക്കുകയും ചെയ്യണമെന്ന് അദ്ദേഹം ആവശ്യപ്പെട്ടു. കാൽനടയാത്രക്കാരുടെ സുരക്ഷ എന്നത് വാഹനമോടിക്കുന്നവരും കാൽനടയാത്രക്കാരും ചേർന്ന് പങ്കിടുന്ന ഉത്തരവാദിത്തമാണെന്ന് അദ്ദേഹം ഊന്നിപ്പറഞ്ഞു.

ഈ വർഷം നായിഫ് പൊലീസ് 37 കാൽനടയാത്രക്കാർക്ക് പിഴ ചുമത്തിയതായി അഷൂർ ചൂണ്ടിക്കാട്ടി
പ്രധാനമായും ട്രാഫിക് സിഗ്നലുകൾ അനുസരിക്കാത്തതിനാണ് ഇവർക്ക് പിഴ ചുമത്തിയത്. ഫെഡറൽ ട്രാഫിക് നിയമത്തിലെ ആർട്ടിക്കിൾ 89 പ്രകാരം ഈ ലംഘനത്തിന് 400 ദിർഹം പിഴ ചുമത്തുമെന്ന് അദ്ദേഹം പറഞ്ഞു. കാൽനടയാത്രക്കാർ നിശ്ചിത പാതകളിലൂടെ മാത്രം റോഡ് മുറിച്ചുകടക്കണമെന്നും കവലകളിൽ ട്രാഫിക് സിഗ്നലുകളുടെ നിർദ്ദേശങ്ങൾ കൃത്യമായി പാലിക്കണമെന്നും അദ്ദേഹം അഭ്യർത്ഥിച്ചു.
 

#DubaiSafety #UAEtrafficrules #pedestriansafety #jaywalkingfines #Dubailaw #roadaccidents