'അയ്യപ്പ ബൈജുവൊന്നുമല്ല ഞാൻ, വെരി വെരി സോറി'; തെറ്റ് സമ്മതിച്ച് ഹെലൻ ഓഫ് സ്പാർട്ട, സാധാരണ പെറ്റി കേസെന്ന് വിശദീകരണം; മനുഷ്യജീവന് അപകടമുണ്ടാക്കും വിധം വാഹനം ഓടിച്ച് കടന്നുകളഞ്ഞെന്ന് എഫ്ഐആർ

കാസര്‍കോട്: (KVARTHA) മദ്യപിച്ച് വാഹനം ഓടിച്ചതിന് പോലീസ് കേസെടുത്തതിന് പിന്നാലെ വിശദീകരണ വിഡിയോയുമായി ഹെലൻ ഓഫ് സ്പാർട്ട എന്ന ധന്യ. എന്താണ് സംഭവിച്ചതെന്ന് വ്യക്തമാക്കുന്ന വിഡിയോയിൽ താൻ മദ്യപിച്ചിട്ടുണ്ടോയെന്ന് പരിശോധിച്ചതിൻ്റെ റിപ്പോർട്ടും അവർ പങ്കുവെക്കുന്നുണ്ട്. ഒരു ബീയർ കുടിച്ചുവെന്നത് നിഷേധിക്കുന്നില്ലെന്നും ഇനി ഈ തെറ്റ് ആവർത്തിക്കില്ലെന്നും ഹെലൻ ഓഫ് സ്പാർട്ട പറഞ്ഞു.

എംഡിഎംഎ ആരോപണങ്ങൾ തള്ളി

ഒരു പരിപാടിക്കിടയിൽ താൻ ഒരു ബീയർ കുടിച്ചിരുന്നെന്നും എന്നാൽ വാഹനം ഓടിക്കാൻ പാടില്ലായിരുന്നു എന്നും ധന്യ പറയുന്നു. വാഹനത്തിൽ എംഡിഎംഎ ഉണ്ടായിരുന്നു എന്ന തരത്തിലുള്ള പ്രചാരണങ്ങൾ തെറ്റാണെന്നും അത് തെളിയിക്കാനായി 3550 രൂപ നൽകി ഡ്രഗ് ആൻഡ് ആൽക്കഹോൾ പരിശോധന നടത്തിയെന്നും അവർ വ്യക്തമാക്കി. താൻ ഒളിവിലാണെന്നും വാഹനം പോലീസ് കസ്റ്റഡിയിലെടുത്തെന്നും വ്യാജ വാർത്തകൾ പ്രചരിക്കുന്നുണ്ട്. ഒരു സാധാരണ വ്യക്തിക്ക് മദ്യപിച്ച് വണ്ടിയോടിച്ചതിന് ലഭിക്കുന്ന പെറ്റി മാത്രമാണ് തനിക്ക് വന്നിട്ടുള്ളതെന്നും അവർ കൂട്ടിച്ചേർത്തു.

വാഹനം നിർത്താതെ പോയതിന് കാരണം

വാഹന പരിശോധനയ്ക്കിടെ ആളുകൾ തിരിച്ചറിയുമെന്ന ഭയം കാരണമാണ് വാഹനം നിർത്താതെ പോയതെന്ന് ധന്യ വിശദീകരിച്ചു. 'പിടിച്ചതിലും വലുതാണ് മാളത്തിൽ എന്ന് പറയുന്നതുപോലെയായിരുന്നു കാര്യങ്ങൾ' എന്നും അവർ പറഞ്ഞു. സ്വന്തം വീടിൻ്റെ മുന്നിലാണ് വാഹനം നിർത്തിയത്. പോലീസ് എത്തിയപ്പോൾ മദ്യപിച്ചിട്ടുണ്ടെന്ന് സമ്മതിച്ചു. ഊതി പരിശോധിച്ചപ്പോൾ അത് തെളിയുകയും ചെയ്തു. കോടതിയിൽ പെറ്റിയടച്ചാൽ മതിയെന്ന് പോലീസ് വ്യക്തമാക്കിയതായും ധന്യ വിഡിയോയിൽ പറയുന്നു. 2026 ജൂലൈ ഒന്ന് ബുധനാഴ്ചയായിരുന്നു സംഭവം നടന്നത്.

പോലീസിൻ്റെ കണ്ടെത്തലും ക്ഷമാപണവും

കാര്യങ്ങളുടെ ഗൗരവം ബോധ്യപ്പെടുത്തിയ ശേഷമാണ് പോലീസ് മടങ്ങിയത്. തൻ്റെ ഭാഗത്താണ് തെറ്റെന്നും അതിൽ അതിയായ ഖേദമുണ്ടെന്നും ('അയാം വെരി വെരി സോറി') അവർ പറഞ്ഞു. അതേസമയം, വാഹന പരിശോധനയ്ക്കിടെ മനുഷ്യജീവന് അപകടമുണ്ടാക്കും വിധം പ്രതി വാഹനവുമായി കടന്നുകളഞ്ഞെന്നാണ് ഹെലൻ ഓഫ് സ്പാർട്ടയ്ക്കെതിരെ പോലീസ് രജിസ്റ്റർ ചെയ്ത എഫ്ഐആറിൽ പരാമർശിച്ചിട്ടുള്ളത്.

കൂടുതല്‍ വാർത്തകള്‍ അറിയാന്‍ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക. 

Article Summary:  Youtuber Dhanya, known as Helen of Sparta, released a video apologizing for a drunk driving incident in Kannur on July 1, 2026. She admitted to drinking a beer but denied rumors of possessing MDMA, sharing a drug test report to prove it. The police FIR states she drove dangerously to evade checking.

#HelenOfSparta #KannurNews #KeralaPolice #DrunkDriving #SocialMediaInfluencer #CrimeNews #SobhaNews