കണ്ണൂർ: (KVARTHA) മട്ടന്നൂർ നഗരസഭയ്ക്ക് സമീപം മാലൂരിൽ അമ്മയെയും മകനെയും ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. അമ്മയെ കൊലപ്പെടുത്തിയ ശേഷം മകൻ ആത്മഹത്യ ചെയ്തതാണെന്നാണ് പൊലീസിന്റെ പ്രാഥമിക നിഗമനം. മാലൂർ നിട്ടാറമ്പിൽ ചൊവ്വാഴ്ച രാവിലെ പത്തുമണിയോടെയാണ് സംഭവം പുറത്തറിയുന്നത്. 

നിട്ടാറമ്പിലെ നിർമ്മല (68), മകൻ സുമേഷ് (38) എന്നിവരാണ് മരിച്ചത്. കഴിഞ്ഞ രണ്ടു ദിവസമായി വീട് തുറക്കാത്തതിനെ തുടർന്ന് അയൽവാസികൾ പൊലീസിൽ വിവരമറിയിക്കുകയായിരുന്നു. പൊലീസ് എത്തി വീടിന്റെ വാതിൽ തുറന്നപ്പോഴാണ് സുമേഷിനെ ഡൈനിങ് റൂമിൽ തൂങ്ങിമരിച്ച നിലയിലും അമ്മ നിർമ്മലയെ കിടപ്പുമുറിയിൽ മരിച്ച നിലയിലും കണ്ടെത്തിയത്.

സുമേഷ് ഇടുക്കി ജില്ലയിൽ കെഎസ്ഇബി ലൈൻമാനായിരുന്നു. ദിവസങ്ങൾക്ക് മുൻപാണ് ഇയാൾ ജോലിസ്ഥലത്ത് നിന്നും വീട്ടിലെത്തിയത്. അമ്മ നിർമ്മല തൊഴിലുറപ്പ് ജോലി ചെയ്തു വരികയായിരുന്നു. നേരത്തെ പേരാവൂർ സെക്ഷൻ ഓഫീസിൽ ജോലി ചെയ്തിരുന്ന സുമേഷിന്, ജോലിക്കിടയിൽ ലഹരി ഉപയോഗിച്ച് പ്രശ്നങ്ങളുണ്ടാക്കിയതിനെ തുടർന്ന് ഇടുക്കിയിലേക്ക് സ്ഥലം മാറ്റം ലഭിച്ചതായിരുന്നുവെന്ന് പൊലീസ് വ്യക്തമാക്കി. 

വീട്ടിലെത്തിയാലും ഇയാൾ നിരന്തരം പ്രശ്നങ്ങളുണ്ടാക്കാറുണ്ടെന്ന് പ്രദേശവാസികൾ പറയുന്നു. അയൽവാസികളുമായി യാതൊരു ബന്ധവുമില്ലാതെ ഒറ്റപ്പെട്ട ജീവിതമാണ് ഇവർ നയിച്ചിരുന്നത്. അതുകൊണ്ടുതന്നെ ഇവരെക്കുറിച്ചുള്ള കൂടുതൽ വിവരങ്ങൾ നാട്ടുകാർക്കില്ല.

മാലൂർ പൊലീസ് ഇൻക്വസ്റ്റ് നടത്തി. കണ്ണൂരിൽ നിന്നും ഫോറൻസിക് ഉദ്യോഗസ്ഥരും സ്ഥലത്തെത്തി പരിശോധന നടത്തി. സുമേഷ് അവിവാഹിതനാണ്. മൃതദേഹങ്ങൾ ഇൻക്വസ്റ്റ് നടപടികൾക്ക് ശേഷം പോസ്റ്റ്മോർട്ടത്തിനായി ആശുപത്രി മോർച്ചറിയിലേക്ക് മാറ്റി. മാലൂർ പൊലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചിട്ടുണ്ട്.

ശ്രദ്ധിക്കുക: ആത്മഹത്യ ഒന്നിനും ഒരു പരിഹാരമല്ല. ജീവിതം വിലമതിക്കേണ്ടതാണ്. ആത്മഹത്യ ചിന്തകൾ ഉണ്ടെങ്കിൽ ദിശ ഹെല്പ് ഡെസ്കിൽ സഹായം തേടുക, നമ്പർ: 1056, അല്ലെങ്കിൽ iCALL- നമ്പർ: 9152987821. നിങ്ങളുടെ പ്രശ്നങ്ങൾക്ക് പരിഹാരമുണ്ട്.

ഈ ദാരുണമായ സംഭവത്തെക്കുറിച്ച് നിങ്ങളുടെ അഭിപ്രായങ്ങൾ രേഖപ്പെടുത്തുക. ഈ വാർത്ത പങ്കുവെച്ചുകൊണ്ട് കൂടുതൽ ആളുകൾക്ക് അറിയാൻ സഹായിക്കൂ.

A son killed his mother and committed death in Kannur. Police suspect drug use and isolation behind the tragic event. Investigation ongoing.

#KannurNews #MotherAndSon #Death #CrimeNews #DrugAddiction #Kerala