ലക്‌നൗ: (KVARTHA) ഉത്തർപ്രദേശിലെ അലിഗഢിൽ റമദാനിലെ അത്താഴത്തിന് (വ്രതാനുഷ്ഠാനത്തിന് മുമ്പുള്ള പ്രഭാത ഭക്ഷണം) വേണ്ടി കാത്തിരിക്കുകയായിരുന്ന യുവാവിനെ ബൈക്കിലെത്തിയ നാലംഗ സംഘം വെടിവെച്ച് കൊലപ്പെടുത്തി. ഹാരിസ് എന്ന യുവാവാണ് മരിച്ചത്. വെള്ളിയാഴ്ച പുലർച്ചെയായിരുന്നു സംഭവം. അക്രമികളിൽ ഒരാൾ യുവാവിന് നേരെ തുടർച്ചയായി വെടിയുതിർത്തതിന് ശേഷം താഴെ വീണപ്പോൾ, മറ്റൊരാൾ ബൈക്കിൽ നിന്ന് ഇറങ്ങി മൂന്ന് വെടിയുണ്ടകൾ കൂടി പായിച്ച് മരണം ഉറപ്പാക്കുകയായിരുന്നു. സംഭവത്തിൽ പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്.

അലിഗഢിലെ റോറാവറിലെ ടെലിപ്പാടയിൽ നിന്നുള്ള സംഭവത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. ഹാരിസ് ക്രിക്കറ്റ് കളി കഴിഞ്ഞ് തിരിച്ചെത്തി അത്താഴത്തിന് വേണ്ടി കാത്തിരിക്കുകയായിരുന്നു. പുലർച്ചെ 3.15 ഓടെ മറ്റൊരാളോടൊപ്പം വീടിന് സമീപമുള്ള റോഡിൽ നിൽക്കുകയായിരുന്നു ഹാരിസ്. ഈ സമയം രണ്ട് ബൈക്കുകൾ അവരുടെ അടുത്തേക്ക് വരുന്നത് ദൃശ്യങ്ങളിൽ കാണാം. 

Warning: Mockery of law and order in UP

In UP's Aligarh, a young man identified as Haarish was gunned down after 4 bike-borne assailants (seen in the CCTV grab) ambushed and opened indiscriminate fire at the victim. The assailants could be seen firing from close range as the… pic.twitter.com/woMcbFKBhP

— Piyush Rai (@Benarasiyaa) March 14, 2025

ബൈക്കിൽ പിന്നിലിരുന്നയാൾ തോക്ക് ചൂണ്ടുന്നത് കണ്ട ഹാരിസ് സ്വയം രക്ഷിക്കാൻ ശ്രമിച്ചെങ്കിലും ബൈക്ക് ഓടുന്നതിനിടെ തന്നെ ആദ്യ വെടി ഏറ്റു. തുടർന്ന് പിന്നിലിരുന്നയാൾ വേഗത്തിൽ രണ്ട് തവണ കൂടി വെടിവെച്ചതോടെ ഹാരിസ് നിലത്തേക്ക് വീണു. കൂടെയുണ്ടായിരുന്നയാൾ ഉടൻ തന്നെ ഓടി രക്ഷപ്പെട്ടു. ആദ്യ വെടിവെച്ചയാൾ വീണ്ടും ഒരു വെടിയുണ്ട കൂടി ഹാരിസിന് നേരെ പായിച്ച ശേഷം ബൈക്കിൽ കയറി.

അതേസമയം, മറ്റേ ബൈക്കിലെ പിന്നിലിരുന്നയാൾ ഇറങ്ങി മൂന്ന് വെടിയുണ്ടകൾ ഹാരിസിന് നേരെ പായിച്ചു. അതിനുശേഷം അയാൾ ബൈക്കിൽ കയറുകയും രണ്ട് ബൈക്കുകളും സ്ഥലത്തുനിന്ന് പോകുകയും ചെയ്തു. റോഡിൽ രക്തത്തിൽ കുളിച്ച് കിടക്കുന്ന ഹാരിസിനെയും ബൈക്കുകൾക്ക് പിന്നാലെ ഓടുന്ന ഒരാളെയും അവസാന ദൃശ്യങ്ങളിൽ കാണാം. ഹാരിസിനെ ആക്രമിച്ചത് വ്യക്തിപരമായ വൈരാഗ്യം കാരണമായിരിക്കാമെന്ന് പൊലീസ് ഉദ്യോഗസ്ഥർ പറഞ്ഞു. എന്നാൽ മറ്റ് സാധ്യതകളും അന്വേഷിക്കുന്നുണ്ട്. 

'ഹാരിസ് തനിക്ക് ഒരു ഇളയ സഹോദരനെപ്പോലെയായിരുന്നു. ഞങ്ങൾ പുലർച്ചെ മൂന്ന് മണിയോടെ അത്താഴം കഴിക്കാൻ വേണ്ടി ഇവിടെ വന്നിരുന്നു. അപ്പോഴാണ് ഹാരിസിന് വെടിയേറ്റത്. യാതൊരു ശത്രുതയുമുണ്ടായിരുന്നില്ല. വെടിവെച്ചവർ ക്രിമിനലുകളാണ്', ബന്ധു ശുഐബ് മാധ്യമങ്ങളോട് പറഞ്ഞു.

ഈ വാർത്തയെ കുറിച്ച് നിങ്ങളുടെ അഭിപ്രായങ്ങൾ രേഖപ്പെടുത്തുമല്ലോ.

A youth was shot dead by a four-member gang in Aligarh, Uttar Pradesh, while waiting for Ramadan Suhoor. CCTV footage of the incident has been released.

#Ramadan #Crime #UttarPradesh #Aligarh #Murder #CCTVFootage