കൊച്ചി: (KVARTHA) അഖിൽ പി ധർമ്മജന്റെ പ്രശസ്ത നോവലായ 'റാം c/o ആനന്ദി'യുടെ വ്യാജ പതിപ്പ് നിർമ്മിച്ച് വിതരണം ചെയ്തെന്നാരോപണത്തെ തുടർന്ന് തിരുവനന്തപുരം സ്വദേശിയായ ഹബീബ് റഹ്മാനെ പൊലീസ് കസ്റ്റഡിയിലെടുത്തു. എറണാകുളം സെൻട്രൽ പൊലീസിൻ്റെതാണ് ഈ നടപടി.

ഡിസി ബുക്‌സിന് ആ പുസ്തകത്തിന്റെ പ്രസിദ്ധീകരണ പകർപ്പവകാശമുണ്ട്. മറൈൻ ഡ്രൈവിലെ ഒരു ഗുണാകേവ് എക്സിബിഷൻ സെൻ്ററിലെ പുസ്തക സ്റ്റാളിൽ നിന്ന് 'റാം c/o ആനന്ദി'യുടെ വ്യാജ പതിപ്പുകൾ പകർപ്പവകാശ നിയമങ്ങൾ ലംഘിച്ച് വിൽക്കുന്നതായി പൊലീസിന് രഹസ്യ വിവരം ലഭിച്ചിരുന്നു. ഇതിന്റെ അടിസ്ഥാനത്തിൽ നടത്തിയ അന്വേഷണത്തിൽ ആരോപണ വിധേയനായ ഹബീബ് റഹ്മാനെ കസ്റ്റഡിയില്ലെടുക്കുകയായിരുന്നു.

സോഷ്യൽ മീഡിയ ഉൾപ്പെടെയുള്ള പല മാർഗങ്ങളിലൂടെ വ്യാജ പുസ്തകങ്ങൾ വ്യാപകമായി പ്രചരിക്കുന്നതായി പൊലീസ് കണ്ടെത്തിയിട്ടുണ്ട്. ഇത്തരം പ്രവർത്തനങ്ങൾക്കെതിരെ കർശന നടപടികൾ സ്വീകരിക്കുമെന്നും പൊലീസ് അറിയിച്ചു. ഇന്ത്യൻ പകർപ്പവകാശ നിയമപ്രകാരമാണ് പ്രതിക്കെതിരെ കേസെടുത്തിരിക്കുന്നത്.

#BookPiracy, #Copyright, #Arrest, #Literature, #India, #FakeBooks