പരിയാരത്ത് മെത്തഫിറ്റാമിനുമായി യുവതി പിടിയിൽ; റിമാൻഡിൽ
 

പരിയാരം: (KVARTHA) മെത്തഫിറ്റാമിൻ സഹിതം പിടിയിലായ യുവതിയെ റിമാൻഡ് ചെയ്തു. പി പ്രജിത (30) യാണ് റിമാൻഡിലായത്. പാപ്പിനിശ്ശേരി എക്സൈസ് ഇൻസ്പെക്ടർ ഇ വൈ ജസീറലിയും സംഘവും പരിയാരം ആയുർവേദ മെഡിക്കൽ കോളേജിന് സമീപം വെച്ച് നടത്തിയ പരിശോധനയിലാണ് 0.375 ഗ്രാം മെത്തഫിറ്റാമിൻ കൈവശം വെച്ച കുറ്റത്തിന് യുവതിയെ പിടികൂടിയത്. യുവതി മയക്കുമരുന്ന് വിൽപന നടത്താൻ ശ്രമിക്കുന്നതിനിടെയാണ് സംഭവം.

പരിയാരം മെഡിക്കൽ കോളേജ് പോലുള്ള പരിസരങ്ങൾ വിൽപനക്കായി തിരഞ്ഞെടുക്കുന്നത്, തിരക്കുള്ള സ്ഥലങ്ങളിൽ ആളുകൾ ശ്രദ്ധിക്കില്ല എന്ന വിശ്വാസത്തിലാണെന്ന് ഇവർ മൊഴി നൽകിയിട്ടുണ്ട്. കണ്ണൂർ-കാസർകോട് ജില്ലകളിലെ യുവതീ-യുവാക്കൾക്ക് രാസലഹരി എത്തിക്കുന്ന സംഘത്തിലെ പ്രധാന കണ്ണിയാണ് ഇപ്പോൾ പിടിയിലായിട്ടുള്ളതെന്ന് എക്സൈസ് അറിയിച്ചു.

അസിസ്റ്റന്റ് എക്സൈസ് ഇൻസ്പെക്ടർ ഗ്രേഡ് എം പി സർവ്വഞ്ജൻ, പ്രിവന്റീവ് ഓഫിസർ ഗ്രേഡ് വി പി ശ്രീകുമാർ, പി പി രജിരാഗ്, സിവിൽ എക്സൈസ് ഓഫിസർമാരായ കെ രമിത്ത്, കെ വി ഷൈമ, ഡ്രൈവർ ജോജൻ എന്നിവരും റെയ്ഡ് നടത്തിയ സംഘത്തിൽ ഉണ്ടായിരുന്നു.

ഈ വാർത്തയെക്കുറിച്ച് നിങ്ങളുടെ അഭിപ്രായങ്ങൾ പങ്കുവെയ്ക്കൂ, നിങ്ങളുടെ സുഹൃത്തുക്കളുമായി ഇത് ഷെയർ ചെയ്യൂ.

Article Summary: Woman arrested with methamphetamine near Pariyaram Medical College.

#DrugArrest #Methamphetamine #KeralaExcise #Pariyaram #CrimeNews #AntiDrugCampaign