പീരുമേട്: (KVARTHA) ഇടുക്കി ജില്ലയിലെ പീരുമേട്ടിൽ 12 വയസ്സുകാരന് നിർബന്ധിച്ച് മദ്യം നൽകിയ കേസിൽ 26 കാരിയായ യുവതി അറസ്റ്റിലായത് കേരളത്തെ ഞെട്ടിച്ചു. വണ്ടിപ്പെരിയാർ സ്വദേശി പ്രിയങ്കയാണ് പീരുമേട് പൊലീസിന്റെ പിടിയിലായത്. കട്ടൻ ചായയാണെന്ന് തെറ്റിദ്ധരിപ്പിച്ച് കുട്ടിയെ നിർബന്ധിച്ച് മദ്യം കുടിപ്പിക്കുകയായിരുന്നുവെന്ന് പൊലീസ് അറിയിച്ചു.

കഴിഞ്ഞ ദിവസം ഉച്ചയ്ക്ക് ശേഷമാണ് സംഭവം നടന്നത്. പ്രിയങ്കയുടെ വീട്ടിൽ വെച്ച് കുട്ടിക്ക് മദ്യം നൽകുകയായിരുന്നു. മദ്യം കഴിച്ചതിനെ തുടർന്ന് മയങ്ങിപ്പോയ കുട്ടി ഏറെ നേരം കഴിഞ്ഞ് അവശനായ നിലയിലാണ് വീട്ടിലെത്തിയത്. കുട്ടിയുടെ അവസ്ഥ കണ്ട് മാതാപിതാക്കൾ കാര്യം തിരക്കിയപ്പോഴാണ് പ്രിയങ്കയാണ് മദ്യം നൽകിയതെന്ന് കുട്ടി വെളിപ്പെടുത്തിയത്.

ഇതോടെ രക്ഷിതാക്കൾ ഉടൻതന്നെ പീരുമേട് പൊലീസ് സ്റ്റേഷനിൽ പരാതി നൽകുകയായിരുന്നു. സംഭവത്തിൽ ജുവനൈൽ ജസ്റ്റിസ് ആക്ട് പ്രകാരം കേസെടുത്ത പൊലീസ്, അറസ്റ്റിലായ പ്രിയങ്കയെ പീരുമേട് കോടതിയിൽ ഹാജരാക്കി. കൂടുതൽ വിവരങ്ങൾ പൊലീസ് അന്വേഷിച്ചു വരികയാണ്.

A 26-year-old woman, Priyanka, was arrested in Peerumedu, Idukki, for allegedly forcing a 12-year-old boy to drink alcohol by misleading him into believing it was black tea. The incident occurred at Priyanka's home, and the intoxicated boy returned home in an exhausted state. Following a complaint from the parents, police registered a case under the Juvenile Justice Act and arrested Priyanka.

#Idukki, #ChildAbuse, #Alcohol, #KeralaCrime, #Arrest, #JuvenileJustice