തൃശൂർ: (KVARTHA) പുലിപ്പല്ല് കൈവശം വെച്ച കേസിൽ അറസ്റ്റിലായ ഹിരൺദാസ് മുരളി എന്ന റാപ്പർ വേടനുമായി വനംവകുപ്പ് ഉദ്യോഗസ്ഥർ തെളിവെടുപ്പ് നടത്തി. തൃശൂർ വിയ്യൂർ സെൻട്രൽ ജയിലിന് സമീപമുള്ള സരസ ജ്വല്ലറിയിലാണ് വേടനെ എത്തിച്ച് തെളിവെടുത്തത്.

കഞ്ചാവ് കേസിൽ എക്സൈസ് ഉദ്യോഗസ്ഥർ പിടികൂടിയ വേടന്റെ കഴുത്തിൽ പുലിപ്പല്ല് ലോക്കറ്റ് ശ്രദ്ധയിൽപ്പെട്ടതിനെ തുടർന്നാണ് വനംവകുപ്പ് അന്വേഷണം ആരംഭിച്ചത്. 

തുടർന്ന് നടത്തിയ പരിശോധനയിൽ ഇത് യഥാർത്ഥ പുലിപ്പല്ലാണെന്ന് സ്ഥിരീകരിച്ചതോടെ വേടനെതിരെ വനംവകുപ്പ് കേസെടുക്കുകയും അറസ്റ്റ് രേഖപ്പെടുത്തുകയുമായിരുന്നു. വന്യജീവി സംരക്ഷണ നിയമപ്രകാരം ഏഴ് വർഷം വരെ തടവ് ശിക്ഷ ലഭിക്കാവുന്ന കുറ്റങ്ങളാണ് വേടനെതിരെ ചുമത്തിയിരിക്കുന്നത്.

വേടന് പുലിപ്പല്ല് നൽകിയത് ശ്രീലങ്കയിലേക്ക് പോയ ശേഷം യുകെയിലേക്കോ ഫ്രാൻസിലേക്കോ കുടിയേറിയ രഞ്ജിത്ത് എന്നയാളാണെന്ന് വനംവകുപ്പ് നേരത്തെ അറിയിച്ചിരുന്നു. ഇതിന്റെ അടിസ്ഥാനത്തിൽ രഞ്ജിത്തിനെ കണ്ടെത്താനുള്ള അന്വേഷണം വനംവകുപ്പ് ഊർജിതമാക്കിയിട്ടുണ്ട്. രഞ്ജിത്തുമായുള്ള വേടന്റെ ബന്ധം, പുലിപ്പല്ല് ലഭിച്ച സാഹചര്യം തുടങ്ങിയ കാര്യങ്ങളിലും അന്വേഷണം പുരോഗമിക്കുകയാണ്.

കഴിഞ്ഞ ദിവസം പെരുമ്പാവൂർ ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ ഹാജരാക്കിയ വേടനെ ബുധനാഴ്ച വൈകിട്ട് അഞ്ച് മണിവരെ വനംവകുപ്പിന്റെ കസ്റ്റഡിയിൽ വിട്ടിരിക്കുകയാണ്. കൂടുതൽ ചോദ്യം ചെയ്യലിനും തെളിവെടുപ്പിനുമായി വനംവകുപ്പ് ഉദ്യോഗസ്ഥർ വേടനെ വിവിധ സ്ഥലങ്ങളിൽ കൊണ്ടുപോകാൻ സാധ്യതയുണ്ട്.

റാപ്പർ വേടനുമായി ബന്ധപ്പെട്ട ഈ വാർത്ത ഷെയർ ചെയ്യുക അഭിപ്രായങ്ങളും പങ്കുവെക്കൂക.

Summary: Forest officials conducted evidence collection with rapper Vedan (Hiran Das Murali), arrested for possessing a tiger claw, at Sarasa Jewellery near Viyyur Central Jail. Vedan stated that Ranjith, who moved to the UK or France after going to Sri Lanka, gave him the claw. The forest department is intensifying its investigation to find Ranjith. Vedan is in custody until Wednesday evening.

#Vedan, #TigerClawCase, #KeralaForestDepartment, #WildlifeCrime, #SriLankaInvestigation, #ViyyurJail