വണ്ടൻമേട് പഞ്ചായത്ത് ഓഫീസിൽ സംഘർഷം: വോട്ടർപട്ടികയെ ചൊല്ലിയുള്ള തർക്കം ഏറ്റുമുട്ടലിൽ കലാശിച്ചു

വണ്ടൻമേട്: (KVARTHA) വോട്ടർപട്ടികയിൽ പേര് ചേർക്കുന്നതുമായി ബന്ധപ്പെട്ടുണ്ടായ തർക്കം പഞ്ചായത്ത് ഓഫീസിനുള്ളിൽ സംഘർഷത്തിൽ കലാശിച്ചു. വ്യാഴാഴ്ച വൈകിട്ട് നാല് മണിയോടെയാണ് സംഭവം. 

വോട്ടർപട്ടികയിൽ പേര് ചേർക്കുന്നതിനുള്ള അപേക്ഷകളുടെ പരിശോധനയുടെ അവസാന ദിവസമായ വ്യാഴാഴ്ച സിപിഎം പ്രവർത്തകർ വോട്ടർമാരെ ചേർക്കാൻ എത്തിയപ്പോൾ കോൺഗ്രസ് പ്രവർത്തകർ പിന്നാലെയെത്തി അപേക്ഷകൾ പരിശോധിച്ചതാണ് സിപിഎം പ്രവർത്തകരെ പ്രകോപിപ്പിച്ചത്.

വാക്കേറ്റം പിന്നീട് കയ്യാങ്കളിയിലേക്ക് വഴിമാറുകയായിരുന്നു. പഞ്ചായത്ത് ഓഫീസിലെ ഫ്രണ്ട് ഓഫീസ് ഹാളിലാണ് സംഘർഷമുണ്ടായത്. മുൻ പഞ്ചായത്ത് പ്രസിഡന്റും മെമ്പറുമായ രാജ മാട്ടുക്കാരൻ, അദ്ദേഹത്തിന്റെ അനന്തരവൻ മുരുകൻ, മുൻ പഞ്ചായത്ത് പ്രസിഡന്റും മെമ്പറുമായ സിബി ഏബ്രഹാം, സിപിഎം ലോക്കൽ കമ്മിറ്റി സെക്രട്ടറി സി. കണ്ണൻ എന്നിവരാണ് ഏറ്റുമുട്ടിയത്.

ഏതാനും മാസങ്ങൾക്ക് മുൻപ് നടന്ന വണ്ടൻമേട് സർവീസ് സഹകരണ ബാങ്ക് തിരഞ്ഞെടുപ്പിൽ സിപിഎം വോട്ടുകൾ കോൺഗ്രസിന് മറിച്ചു നൽകാമെന്ന് സിബി ഏബ്രഹാമും രാജ മാട്ടുക്കാരനും തമ്മിലുള്ള ഫോൺ സംഭാഷണം പുറത്തുവന്നിരുന്നു.

ഈ സംഭവത്തിനു പിന്നാലെ സിപിഎമ്മിലെ ഒരു വിഭാഗത്തിന് കടുത്ത അമർഷമുണ്ടായിരുന്നുവെന്ന് പറയുന്നു. ഇതാണ് കയ്യാങ്കളിക്ക് കാരണമെന്ന സംശയവും ഉയരുന്നുണ്ട്.

പഞ്ചായത്ത് ഓഫീസിൽ നടന്ന ഈ സംഭവത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: Clashes erupt at Vandanamedu Panchayat office over voter list.

#Vandanamedu #PanchayatOffice #VoterList #KeralaPolitics #PoliticalClash #Idukki