കുടുംബത്തെ ഇല്ലാതാക്കാൻ ചാറ്റ്ജിപിടിയിൽ തിരഞ്ഞു; യുഎസിൽ അമ്മയെയും സഹോദരനെയും കൊലപ്പെടുത്തിയ കേസില്‍ 17 കാരൻ അറസ്റ്റിൽ

വാഷിങ്ടൺ: (KVARTHA) യുഎസിൽ അമ്മയെയും സഹോദരനെയും കൊലപ്പെടുത്തിയ കേസിൽ ഇന്ത്യൻ വംശജനായ വിദ്യാർഥി അറസ്റ്റിൽ. മാസച്യുസിറ്റ്സിലെ ആക്ടൻ സ്വദേശിയായ അർജുൻ അരവിന്ദാണ് (17) പൊലീസിൻ്റെ പിടിയിലായത്. അമ്മ സുധ വെങ്കടേശൻ (45), സഹോദരൻ സിദ്ധാർഥ് അരവിന്ദ് (14) എന്നിവരാണ് കൊല്ലപ്പെട്ടത്. 2026 ഓഗസ്റ്റ് 11 ചൊവ്വാഴ്ചയാണ് ഈ സംഭവം നടന്നത്. മാനസികാരോഗ്യവുമായി ബന്ധപ്പെട്ട വിഷയങ്ങളും നിർമിത ബുദ്ധി സാങ്കേതികവിദ്യയുടെ ദുരുപയോഗവും ഈ സംഭവത്തോടെ അമേരിക്കയിൽ ചർച്ചയായിരിക്കുകയാണ്. കൃത്യത്തിന് ശേഷം ഒളിവിൽ പോയ കുറ്റാരോപിതനെ 2026 ഓഗസ്റ്റ് 12 ബുധനാഴ്ചയാണ് പൊലീസ് അറസ്റ്റ് ചെയ്തത്.

കൊലപാതകം ആസൂത്രിതം

ആക്‌ടൻ ബോക്സ്‌ബോറോ റീജനൽ ഹൈസ്‌കൂൾ വിദ്യാർഥിയായ അർജുൻ വീടിനുള്ളിൽ വെച്ച് സുധയെയും സിദ്ധാർഥിനെയും കൊലപ്പെടുത്തുകയും തുടർന്ന് അമ്മയുടെ കാറിൽ രക്ഷപ്പെടുകയുമായിരുന്നുവെന്നാണ് പൊലീസ് പറയുന്നത്. ചൊവ്വാഴ്‌ച വൈകിട്ട് ആറരയോടെ ട്യൂഷൻ അധ്യാപിക ഇവരുടെ വീട്ടിലെത്തിയെങ്കിലും ആരെയും പുറത്തുകാണാത്തതിനാൽ സുധയുടെ ഭർത്താവിനെ വിളിച്ചു. ഇദ്ദേഹം വിളിച്ചിട്ടും ആരും ഫോണെടുത്തില്ല. തുടർന്ന് അദ്ദേഹം പൊലീസിനെ വിവരമറിയിക്കുകയായിരുന്നു. വിവരമറിഞ്ഞ് സ്ഥലത്തെത്തിയ പൊലീസ് സംഘം വീട് തുറന്ന് പരിശോധിച്ചപ്പോഴാണ് മൃതദേഹങ്ങൾ കണ്ടത്.

കാരണം കണ്ടെത്താനായില്ല

പൊലീസ് സ്‌ഥലത്തെത്തി നടത്തിയ അന്വേഷണത്തിലാണ് ഇരുവരെയും മരിച്ചനിലയിൽ കണ്ടെത്തിയത്. സുധയുടെ മൃതദേഹം വീടിൻ്റെ ബേസ്മെൻ്റിലും സിദ്ധാർഥിൻ്റേത് ഒന്നാംനിലയിലുമാണ് കിടന്നിരുന്നത്. ഇരുവരുടെയും ശരീരങ്ങളിൽ ക്ഷതമുണ്ടായിട്ടുണ്ടെങ്കിലും മരണകാരണവും എന്ത് ആയുധമുപയോഗിച്ചാണ് ആക്രമണം നടത്തിയതെന്നും കണ്ടെത്താനായിട്ടില്ല. മൃതദേഹങ്ങൾ പോസ്റ്റ്മോർട്ടം നടപടികൾക്കായി മാറ്റിയിട്ടുണ്ടെന്നും ഇതിൻ്റെ റിപ്പോർട്ട് ലഭിച്ചാൽ മാത്രമേ കൊലപാതകത്തിൻ്റെ രീതി വ്യക്തമാകുകയുള്ളൂവെന്നും അന്വേഷണ ഉദ്യോഗസ്ഥർ അറിയിച്ചു.

WATCH: 17-year-old Arjun Aravind arrested overnight in Wayland, charged with murdering his mother, brother inside their Acton home.

District Attorney Marian Ryan says evidence suggests the teen used ChatGPT to research “fantasy stories regarding killing his family”

🔗:… pic.twitter.com/CrUPnkgY0R

— Stephen Quinn (@stephenquinntv) August 12, 2026

ചാറ്റ്ജിപിടിയിൽ തിരഞ്ഞു

അടുത്തിടെ അർജുൻ്റെ പെരുമാറ്റത്തിൽ അസ്വാഭാവികതയുണ്ടായിരുന്നെന്ന് അന്വേഷണത്തിൽ വ്യക്‌തമായിട്ടുണ്ട്. കുടുംബത്തെ കൊല്ലുന്നതുമായി ബന്ധപ്പെട്ടുള്ള ഭാവനാസൃഷ്‌ടികളെക്കുറിച്ച് ഇയാൾ ചാറ്റ്ജിപിടിയിൽ തിരഞ്ഞിരുന്നതായും കണ്ടെത്തിയിട്ടുണ്ടെന്ന് മിഡിൽസെക്സ് കൗണ്ടി ഡിസ്ട്രിക്ട് അറ്റോർണിയുടെ ഓഫീസ് പുറത്തിറക്കിയ പ്രസ്‌താവനയിൽ വ്യക്തമാക്കി. പ്രേതകഥകളുണ്ടാക്കാനും കഥാപാത്രങ്ങളെ സൃഷ്ടിക്കാനും സഹായിക്കാൻ അർജുൻ എഐ ചാറ്റ്ബോട്ടുകളോട് ആവശ്യപ്പെട്ടിരുന്നതായും അന്വേഷണത്തിൽ കണ്ടെത്തിയിട്ടുണ്ട്. കുറ്റാരോപിതൻ്റെ ഫോണും ലാപ്ടോപ്പും ഉൾപ്പെടെയുള്ള ഡിജിറ്റൽ ഉപകരണങ്ങൾ അന്വേഷണ സംഘം കസ്റ്റഡിയിലെടുത്തിട്ടുണ്ട്, ഇവ ഫോറൻസിക് പരിശോധനയ്ക്ക് വിധേയമാക്കും.

യുഎസിൽ നിന്നുള്ള ഈ ക്രൈം വാർത്ത നിങ്ങളുടെ വാട്സ്ആപ്പ് ഗ്രൂപ്പുകളിൽ ഷെയർ ചെയ്യൂ. കൂടുതല്‍ അന്താരാഷ്ട്ര വാർത്തകള്‍ അറിയാന്‍ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക. 

Article Summary: A 17-year-old Indian-origin boy arrested for murdering his family in the US.

#USCrimeNews #ActonMassachusetts #ArjunAravind #ChatGPT #InternationalNewsMalayalam #MurderCase #SobhaNews