തിരുവനന്തപുരം: (KVARTHA) വെഞ്ഞാറമൂട് ഇരട്ടക്കൊലപാതക കേസിൽ പ്രതിയായ അഫാനെ കൊലപാതകം നടന്ന സ്ഥലങ്ങളിൽ എത്തിച്ച് പൊലീസ് തെളിവെടുപ്പ് നടത്തി. പാങ്ങോട് സൽമാ ബീവിയുടെ വീട്, അഫാന്റെ വെഞ്ഞാറമൂട് പേരുമലയിലെ വീട് എന്നിവിടങ്ങളിലാണ് പൊലീസ് തെളിവെടുപ്പ് നടത്തിയത്. ഫെബ്രുവരി 24-ന് നടന്ന കൊലപാതകത്തിന് ശേഷം ആദ്യമായാണ് അഫാനെ സംഭവസ്ഥലത്ത് എത്തിക്കുന്നത്.

തെളിവെടുപ്പിനിടെ, അഫാൻ പൊലീസിനോട് വിചിത്രമായ ആവശ്യങ്ങൾ ഉന്നയിച്ചു. പാങ്ങോട് സ്റ്റേഷനിൽ ഭക്ഷണം കഴിക്കാൻ വിമുഖത കാണിച്ച അഫാൻ, താൻ വൈകിട്ട് പൊറോട്ടയും ചിക്കനും മാത്രമാണ് കഴിക്കുന്നതെന്നും മറ്റ് ഭക്ഷണങ്ങൾ കഴിക്കാൻ ബുദ്ധിമുട്ടുണ്ടെന്നും പൊലീസിനോട് പറഞ്ഞു. തുടർന്ന് അഫാന്റെ ഇഷ്ടഭക്ഷണം പോലീസ് വാങ്ങി നൽകി. നേരത്തെ ഉച്ചയ്ക്ക് ഊണ് കഴിക്കാൻ മീൻകറി വേണമെന്ന് അഫാൻ ആവശ്യപ്പെട്ടിരുന്നു. തനിക്ക് വെറും തറയിൽ കിടക്കാൻ കഴിയില്ലെന്ന് പറഞ്ഞതിനെ തുടർന്ന് പൊലീസ് സെല്ലിൽ കിടക്കുന്നതിനുള്ള പായയും സംഘടിപ്പിച്ചു നൽകി.

തെളിവെടുപ്പ് പൂർത്തിയാക്കി അഫാനെ ജയിലിലേക്ക് മടക്കി അയച്ച ശേഷം വീണ്ടും പൊലീസ് കസ്റ്റഡിയിൽ വാങ്ങും. അഫാന്റെ മാനസികനില വിശദമായി പരിശോധിക്കാനാണ് പൊലീസിന്റെ തീരുമാനം. വിദഗ്ധ ഡോക്ടർമാരുടെ സംഘത്തെ നൽകണമെന്ന് ആവശ്യപ്പെട്ട് പോലീസ് ഡിഎംഒയ്ക്ക് കത്ത് നൽകും. ഡോക്ടർമാരുടെ സംഘത്തെ രൂപീകരിച്ചാൽ ഇക്കാര്യം കോടതിയിൽ അറിയിച്ച് അഫാനെ വീണ്ടും കസ്റ്റഡിയിൽ വാങ്ങാനാണ് പോലീസിന്റെ തീരുമാനം.

ഈ വാർത്ത പങ്കുവെക്കുകയും അഭിപ്രയങ്ങൾ രേഖപ്പെടുത്തുകയും ചെയ്യുക.

Afan, the accused in the Venjaramoodu double murder case, made peculiar requests during evidence collection, including specific food preferences and demands for a mat to sleep on. Police plan to examine his mental state with expert doctors.

#VenjaramooduMurder #Afan #KeralaCrime #PoliceInvestigation #MentalHealth #CrimeNews