നടി തൃഷയ്‌ക്കെതിരായ അധിക്ഷേപ പരാമർശം; ഉദയനിധി സ്റ്റാലിനെതിരെ തഞ്ചാവൂർ പൊലീസ് കേസെടുത്തു, വസതിക്ക് മുന്നിൽ വൻ സുരക്ഷ

ചെന്നൈ: (KVARTHA) നടി തൃഷയ്‌ക്കെതിരായ സ്ത്രീവിരുദ്ധ പരാമര്‍ശത്തില്‍ തമിഴ്‌നാട് പ്രതിപക്ഷ നേതാവ് ഉദയനിധി സ്റ്റാലിനെതിരെ തമിഴ്‌നാട് പൊലീസ് കേസെടുത്തു. തഞ്ചാവൂര്‍ പൊലീസാണ് ഉദയനിധിക്കെതിരെ കേസ് രജിസ്റ്റർ ചെയ്തിരിക്കുന്നത്. 

അടുത്തിടെ തഞ്ചാവൂരില്‍ നടന്ന ഒരു ഡിഎംകെ പരിപാടിക്കിടെയാണ് ഉദയനിധി സ്റ്റാലിൻ വിവാദമായ സ്ത്രീവിരുദ്ധ പരാമര്‍ശം നടത്തിയത്. സംഭവത്തിൽ ടിവികെ തമിഴ്‌നാട് പൊലീസിനും ദേശീയ വനിതാ കമ്മിഷനും ഔദ്യോഗികമായി പരാതി നല്‍കിയിരുന്നു. ഇതിന് പിന്നാലെയാണ് പൊലീസ് നടപടി.

ഉദയനിധിയുടെ വസതിയിൽ പൊലീസ്; പ്രതിഷേധവുമായി ഡിഎംകെ

കേസ് രജിസ്റ്റർ ചെയ്തതിന് പിന്നാലെ പൊലീസ് ഉദ്യോഗസ്ഥര്‍ ചെന്നൈയിലെ ഉദയനിധി സ്റ്റാലിന്റെ വീട്ടില്‍ എത്തി. വിവരമറിഞ്ഞ് ഡിഎംകെയുടെ നിയമ വിഭാഗവും അദ്ദേഹത്തിന്റെ വീട്ടിലേക്ക് എത്തിയിട്ടുണ്ട്. പൊലീസിന്റെ നടപടിയിൽ പ്രതിഷേധിച്ച് വീടിന് മുന്നില്‍ പിന്തുണയുമായെത്തിയ ഡിഎംകെ പ്രവര്‍ത്തകരെ പൊലീസ് ബാരിക്കേഡ് വെച്ച് തടഞ്ഞു. പ്രദേശത്ത് വൻ സുരക്ഷയാണ് ഇപ്പോൾ ഒരുക്കിയിരിക്കുന്നത്.

മാപ്പ് പറയണം; കടുത്ത നടപടി ആവശ്യപ്പെട്ട് ടിവികെ

വിവാദ പരാമർശത്തില്‍ ദേശീയ വനിതാ കമ്മിഷന്റെ അടിയന്തര ഇടപെടല്‍ ആവശ്യപ്പെട്ട് ടിവികെ ദേശീയ വക്താവ് പഴ സെല്‍വകുമാറാണ് പരാതി നല്‍കിയത്. ഡിഎംകെ പരിപാടിയുടെ സദസ്സില്‍ നിന്നുയര്‍ന്ന മുദ്രാവാക്യങ്ങളെത്തുടര്‍ന്ന് നടത്തിയ പരാമര്‍ശത്തില്‍ വിശദീകരണം തേടിക്കൊണ്ട് ഉദയനിധിക്ക് അടിയന്തരമായി നോട്ടീസ് അയയ്ക്കണമെന്നും, അദ്ദേഹം നിരുപാധികം പരസ്യമായി മാപ്പ് പറയണമെന്നും വനിതാ കമ്മിഷന് നൽകിയ പരാതിയില്‍ ആവശ്യപ്പെട്ടിട്ടുണ്ട്.

ഭാരതീയ ന്യായ സംഹിത പ്രകാരം നടപടി വേണം

പുതിയ ക്രിമിനൽ നിയമമായ ഭാരതീയ ന്യായ സംഹിതയിലെ (BNS) പ്രസക്തമായ വകുപ്പുകള്‍ പ്രകാരം ഉദയനിധിക്കെതിരെ നിയമനടപടി സ്വീകരിക്കാന്‍ പൊലീസിനോട് നിർദേശിക്കണമെന്നും പരാതിയില്‍ അഭ്യർഥിച്ചിട്ടുണ്ട്. വിഷയത്തിൽ ഉദയനിധി സ്റ്റാലിനെതിരെ നിരവധി ടിവികെ നേതാക്കൾ രംഗത്ത് വന്നിട്ടുണ്ട്. ഉദയനിധിക്കെതിരായി വരും ദിവസങ്ങളിൽ ശക്തമായ പ്രതിഷേധം സംഘടിപ്പിക്കാനും പാർട്ടി നേതൃത്വം തീരുമാനിച്ചിട്ടുണ്ട്.

ഈ വാർത്ത നിങ്ങളുടെ വാട്സാപ്പ് ഗ്രൂപ്പുകളിൽ ഷെയർ ചെയ്യുക. കൂടുതൽ വാർത്തകൾ അറിയാൻ പേജ് ഫോളോ ചെയ്യുക.

Article Summary: Thanjavur police have registered a case against Tamil Nadu Leader of Opposition Udhayanidhi Stalin over alleged misogynistic remarks directed at actress Trisha. 

#UdhayanidhiStalin #Trisha #TamilNaduNews #DMK #TVK #ChennaiNews #NCW #TNPolice #MalayalamNews #AmmuNews