ട്രെയിൻ യാത്രക്കിടെ വിദ്യാർത്ഥിനിക്ക് നേരെ അതിക്രമം: യുവാവ് അറസ്റ്റിൽ

കണ്ണൂർ: (KVARTHA) ട്രെയിൻ യാത്രയ്ക്കിടെ കോളേജ് വിദ്യാർത്ഥിനിയെ പീഡിപ്പിക്കാൻ ശ്രമിച്ച സംഭവത്തിൽ തമിഴ്‌നാട് സ്വദേശിയായ യുവാവിനെ അറസ്റ്റ് ചെയ്തു. സഹയാത്രികർ ഇടപെട്ട് ഇയാളെ തടഞ്ഞുനിർത്തി കാഞ്ഞങ്ങാട് റെയിൽവേ പോലീസിന് കൈമാറുകയായിരുന്നു. വെങ്കിടേഷാണ് (35) അറസ്റ്റിലായത്.

കഴിഞ്ഞദിവസം രാത്രി കൊച്ചുവേളി-പോർബന്ദർ എക്‌സ്‌പ്രസിലെ ജനറൽ കോച്ചിലാണ് മംഗളൂരിലെ കോളേജ് വിദ്യാർത്ഥിനിയായ എംബിഎ വിദ്യാര്‍ത്ഥിനിക്ക് നേരെ അതിക്രമം നടന്നത്.

കണ്ണൂരിൽ നിന്ന് തന്നെ വെങ്കിടേഷ് വിദ്യാർത്ഥിനിയെ ശല്യം ചെയ്യാൻ തുടങ്ങിയിരുന്നു. ട്രെയിൻ കാഞ്ഞങ്ങാട് എത്തിയപ്പോൾ ഇയാൾ പീഡിപ്പിക്കാൻ ശ്രമിക്കുകയായിരുന്നു. വിദ്യാർത്ഥിനി ബഹളം വെച്ചതിനെ തുടർന്ന് ഇയാൾ സീറ്റിൽ നിന്ന് എഴുന്നേറ്റുപോയെങ്കിലും, മറ്റ് യാത്രക്കാർ വെങ്കിടേഷിനെ തടഞ്ഞുവെച്ച് റെയിൽവേ പോലീസിന് കൈമാറുകയായിരുന്നു. 

വിദ്യാർത്ഥിനി ഇ-മെയിൽ വഴി നൽകിയ പരാതിയുടെ അടിസ്ഥാനത്തിൽ റെയിൽവേ പോലീസ് ഇയാളുടെ അറസ്റ്റ് രേഖപ്പെടുത്തി. പ്രതിയെ ഹൊസ്ദുർഗ് കോടതി റിമാൻഡ് ചെയ്തു.

ട്രെയിൻ യാത്രയിൽ സ്ത്രീകൾക്ക് സുരക്ഷ ഉറപ്പാക്കാൻ എന്തു ചെയ്യണം? നിങ്ങളുടെ അഭിപ്രായം പങ്കുവെക്കൂ.

Article Summary: Youth arrested for alleged train harassment in Kannur.

#TrainSafety #KeralaCrime #StudentSafety #Kannur #RailPolice #Harassment