ഓൺലൈൻ തട്ടിപ്പും കുഴൽപ്പണ ഇടപാടും; കെഎസ്‍യു നേതാവ് ഉൾപ്പെടെ 4 പേർ അറസ്റ്റിൽ

തൃശൂർ: (KVARTHA) ഓൺലൈൻ തട്ടിപ്പ് കേസിൽ കെഎസ്‍യു മണ്ഡലം ജനറൽ സെക്രട്ടറി ഉൾപ്പെടെ നാല് പേരെ എരുമപ്പെട്ടി പൊലീസ് അറസ്റ്റ് ചെയ്തു. ബാങ്ക് അക്കൗണ്ട് തുടങ്ങി ലക്ഷങ്ങളുടെ ഇടപാടുകൾ നടത്തി കമ്മിഷൻ വാങ്ങുന്ന സംഘത്തിലെ കണ്ണികളായി പ്രവർത്തിക്കുന്ന നാല് പേരെയാണ് തൃശൂർ സൈബർ ഹണ്ട് അന്വേഷണസംഘം അറസ്റ്റ് ചെയ്തത്. 

കെഎസ്‍യു കുന്നംകുളം നിയോജകമണ്ഡലം ജനറൽ സെക്രട്ടറി ഹനീൻ റഹ്‌മാൻ (19), വെള്ളറക്കാട് അമ്പലത്ത് വീട്ടിൽ ഇർഫാൻ (19), കടങ്ങോട് പറമ്പിൽപീടികയിൽ മുഹമ്മദ് ഷഫീർ (20), ചാവക്കാട് മന്ദലംകുന്ന് ഷംനാദ് എന്നിവരാണ് കേസിൽ പിടിയിലായത്.

ലക്ഷങ്ങളുടെ ഇടപാടും കമ്മിഷനും

പിടിയിലായവർക്ക് പിന്നിൽ വൻകിട കുഴൽപ്പണ ലോബിയുണ്ടെന്നാണ് പൊലീസിൻ്റെ കണ്ടെത്തൽ. യുവാക്കളുടെ ആധാർ കാർഡും പാൻ കാർഡും ഉപയോഗിച്ച് ബാങ്കിൽ അക്കൗണ്ട് തുടങ്ങി അതിലേക്ക് 15.5 ലക്ഷത്തോളം രൂപയുടെ അനധികൃത ഇടപാട് നടത്തി പിൻവലിച്ചതായി അന്വേഷണത്തിൽ തെളിഞ്ഞിട്ടുണ്ട്. ഇത്തരത്തിൽ ഇടപാട് നടത്തിയതിന് ഗൂഗിൾ പേ വഴി ഇവർക്ക് 4000 രൂപയോളം കമ്മിഷനായി തിരിച്ചു നൽകിയതായും പൊലീസ് കണ്ടെത്തിയിട്ടുണ്ട്.

തുടരന്വേഷണവും റിമാൻഡും

ഓൺലൈൻ സൈബർ തട്ടിപ്പ് മാഫിയയുടെ ഈ കേസിലെ പങ്കിനെക്കുറിച്ച് പൊലീസ് വിശദമായ അന്വേഷണം നടത്തിവരികയാണ്. എരുമപ്പെട്ടി എസ്ഐ ആൻ്റോ ഫ്രാൻസിസിൻ്റെ നേതൃത്വത്തിലുള്ള പൊലീസ് സംഘമാണ് കുറ്റാരോപിതരെ പിടികൂടിയത്. അറസ്റ്റിലായ നാല് പേരെയും കോടതിയിൽ ഹാജരാക്കി റിമാൻഡ് ചെയ്തു. വരും ദിവസങ്ങളിൽ കേസിൽ കൂടുതൽ അറസ്റ്റുണ്ടാകാൻ സാധ്യതയുണ്ട്.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: Erumapetty police have arrested four individuals, including KSU Kunnamkulam mandalam general secretary Haneen Rahman, for their alleged involvement in an online fraud and hawala network that conducted unauthorized transactions worth Rs 15.5 lakh using bank accounts opened with youths' Aadhaar and PAN cards.

#Kvartha #ThrissurNews #OnlineFraud #ErumapettyPolice #CyberCrime #KeralaPolice #MalayalamNews #KSU #HawalaCase #AmmuNews