തൃശൂരിൽ അഭിഭാഷകൻ മകളെ പീഡിപ്പിച്ചെന്ന് പരാതി: അറസ്റ്റ് രേഖപ്പെടുത്തി

തൃശൂർ: (KVARTHA) പേരാമംഗലത്ത് ഏഴ് വയസ്സുകാരിയായ മകളെ ലൈംഗികമായി പീഡിപ്പിച്ചെന്ന പരാതിയിൽ അഭിഭാഷകനെ പൊലീസ് അറസ്റ്റ് ചെയ്തു. കുട്ടിയുടെ മൊഴിയുടെ അടിസ്ഥാനത്തിലാണ് പേരാമംഗലം പൊലീസ് കേസെടുത്ത് പ്രതിയെ കസ്റ്റഡിയിലെടുത്തത്.

കുട്ടി ഡോക്ടറെ കണ്ടപ്പോഴാണ് തനിക്ക് നേരിട്ട ദുരനുഭവം വെളിപ്പെടുത്തിയത്. തുടർന്ന് ഡോക്ടർ ചൈൽഡ് ലൈനിൽ വിവരമറിയിക്കുകയും, ചൈൽഡ് ലൈൻ പ്രവർത്തകർ പൊലീസിൽ പരാതി നൽകുകയുമായിരുന്നു.

രണ്ടുവർഷം മുൻപ് വിവാഹബന്ധം വേർപെടുത്തിയവരാണ് കുട്ടിയുടെ മാതാപിതാക്കൾ. കോടതി ഉത്തരവ് പ്രകാരം ഞായറാഴ്ചകളിൽ കുട്ടി പിതാവിനൊപ്പമാണ് താമസിച്ച് വന്നിരുന്നത്. ഈ ദിവസങ്ങളിലായിരിക്കാം കുട്ടി ലൈംഗികാതിക്രമത്തിന് ഇരയായതെന്നാണ് പൊലീസ് നിഗമനം. 

സംഭവത്തെക്കുറിച്ച് പൊലീസ് വിശദമായ അന്വേഷണം ആരംഭിച്ചു. പോക്സോ വകുപ്പുകൾ പ്രകാരമാണ് കേസെടുത്തിരിക്കുന്നത്.

ഈ വിഷയത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: Thrissur lawyer arrested for alleged child molestation.

#Thrissur #ChildSafety #LegalNews #CrimeNews #KeralaPolice #POCSO