തിരുപ്പതി: (KVARTHA) മൂന്നുവയസുകാരിയെ ക്രൂരമായി പീഡിപ്പിച്ച് കൊലപ്പെടുത്തി മൃതദേഹം വയലിൽ കുഴിച്ചുമൂടിയെന്ന പരാതിയിൽ 22 കാരനെ പൊലീസ് അറസ്റ്റ് ചെയ്തു.

ചോക്ലേറ്റ് കാണിച്ച് കുട്ടിയെ ആളൊഴിഞ്ഞ വയലിലേക്ക് കൂട്ടിക്കൊണ്ടുപോയി പീഡിപ്പിച്ചുവെന്നാണ് പൊലീസിന്റെ പ്രാഥമിക നിഗമനം. തുടർന്ന് കുട്ടിയെ മരിച്ച നിലയിൽ കണ്ടപ്പോൾ മൃതദേഹം വയലിൽ കുഴിച്ചുമൂടുകയായിരുന്നു. കുട്ടിയെ കാണാതായതിനെത്തുടർന്ന് പ്രദേശത്ത് അന്വേഷണം നടത്തിയ മാതാപിതാക്കള്‍ പൊലീസില്‍ പരാതി നല്‍കുകയായിരുന്നു. തുടർന്ന് നടത്തിയ അന്വേഷണത്തിലാണ്  ഞെട്ടിക്കുന്ന സംഭവം പുറത്തറിഞ്ഞത്. 

പൊലീസ് ചോദ്യം ചെയ്യലിൽ പ്രതി തന്റെ കുറ്റകൃത്യം സമ്മതിച്ചെന്നും പ്രതിയെ കസ്റ്റഡിയില്‍ വാങ്ങിയിരിക്കുകയാണെന്നും പൊലീസ് പറഞ്ഞു. കുട്ടിയുടെ മൃതദേഹം പോസ്റ്റ്‌മോർട്ടത്തിനായി ആശുപത്രിയിലേക്ക് മാറ്റി. ഈ ക്രൂരമായ സംഭവത്തിൽ പ്രതിക്ക് കടുത്ത ശിക്ഷ നൽകണമെന്ന് നഗരി എം.എൽ.എ ഗാലി ഭാനു പ്രകാശ് ആവശ്യപ്പെട്ടു.

ഈ വാർത്ത പങ്കിടുക, കൂടുതൽ ആളുകളിൽ എത്തിക്കുക. ഇതുവഴി ഇത്തരം കുറ്റകൃത്യങ്ങൾ തടയുന്നതിനുള്ള ബോധവൽക്കരണത്തിന് സഹായിക്കുകയും രക്ഷിതാക്കൾ കുട്ടികളെ കൂടുതൽ ശ്രദ്ധ നൽകുന്നതിന് കാരണമാവുകയും ചെയ്യും.

 #ChildSafety #Justice #Tirupati #CrimeAwareness #CommunityResponse #ChildProtection