തളിപ്പറമ്പ് പോലീസ് സ്റ്റേഷന് സമീപത്തെ വീട്ടിൽ മോഷണം; ഓട്ടുരുളിയും പണവും കവർന്നു

തളിപ്പറമ്പ്: (KVARTHA) പോലീസ് സ്റ്റേഷന് സമീപത്തെ വീട്ടിൽ മോഷണം. പോലീസ് സ്റ്റേഷന്റെ മതിലിനോട് ചേർന്നുള്ള പരേതനായ അഡ്വ. പാട്ടത്തിൽ ഒതേനൻ നമ്പ്യാരുടെ 'നീതിനികേതൻ' എന്ന വീട്ടിലാണ് മോഷണം നടന്നത്. നിലവിൽ മകൻ സി രവീന്ദ്രനാണ് ഇവിടെ താമസിക്കുന്നത്.

മോഷണം നടന്നത് ഇങ്ങനെ

പതിനായിരം രൂപ വിലയുള്ള ഒരു ഓട്ടുരുളിയും 100 രൂപയുടെ 20  നോട്ടുകൾ അടങ്ങുന്ന 2000 രൂപയുമാണ് മോഷണം പോയത്. ശനിയാഴ്ച രാവിലെ ഒൻപത് മണിയോടെ സി രവീന്ദ്രൻ പറശിനിക്കടവിലേക്ക് പോയിരുന്നു. തുടർന്ന് ഉച്ചയ്ക്ക് മൂന്ന് മണിയോടെ വീട്ടിൽ തിരിച്ചെത്തിയപ്പോഴാണ് മോഷണം നടന്നതായി മനസ്സിലാക്കിയത്. വീടിന്റെ താക്കോൽ വെച്ച സ്ഥലത്തുനിന്ന് എടുത്ത് തുറന്നാണ് മോഷ്ടാക്കൾ അകത്തുകയറി മോഷണം നടത്തിയിരിക്കുന്നത്. വിവരമറിഞ്ഞ് തളിപ്പറമ്പ് പോലീസ് സ്ഥലത്തെത്തി പ്രാഥമിക അന്വേഷണം ആരംഭിച്ചു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക. കൂടുതൽ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക.

Article Summary: A theft occurred at 'Neethinikethan', the residence of the late Adv. Pattathil Othenan Nambiar near the Taliparamba Police Station, where an antique brass vessel (worth 10,000 rupees) and 2,000 rupees were stolen while the occupant was away.

#Taliparamba #TheftCase #KeralaPolice #CrimeNews #MalayalamNews #TaliparambaPolice #AmmuNews