ദാമ്പത്യത്തിലെ പൊള്ളുന്ന തർക്കം: ഭർത്താവിന് തിളച്ച എണ്ണയൊഴിച്ച് പരിക്കേൽപ്പിച്ചെന്ന് പരാതി

താനെ: (KVARTHA) മഹാരാഷ്ട്രയിൽ കുടുംബ പ്രശ്‌നങ്ങളെച്ചൊല്ലിയുള്ള തർക്കത്തിനിടെ ഭർത്താവിന് നേരെ തിളച്ച എണ്ണ ഒഴിച്ചതായി ഭാര്യക്കെതിരെ പരാതി. ഓട്ടോറിക്ഷാ ഡ്രൈവറായ ഇമ്രാൻ അബ്ദുൽ ഗഫാർ ഷെയ്ക്കാണ് ഭാര്യക്കെതിരെ പരാതി നൽകിയിരിക്കുന്നത്. 

ആക്രമണത്തിൽ തലയ്ക്കും മുഖത്തിനും ഗുരുതരമായി പൊള്ളലേറ്റ ഷെയ്ഖ് പ്രാദേശിക ആശുപത്രിയിൽ ചികിത്സയിലാണെന്ന് പോലീസ് അറിയിച്ചു. മഹാരാഷ്ട്രയിലെ താനെ ജില്ലയിലെ കല്യാൺ പ്രദേശത്ത് ബുധനാഴ്ച പുലർച്ചെയാണ് സംഭവം നടന്നതെന്നാണ് പരാതിയിൽ പറയുന്നത്. 

പുലർച്ചെ 2.30 ഓടെ ഓട്ടോറിക്ഷാ ഡ്രൈവറായ ഇമ്രാൻ അബ്ദുൽ ഗഫാർ ഷെയ്ക്കും ഭാര്യയും തമ്മിൽ കുടുംബപരമായ കാര്യങ്ങളെച്ചൊല്ലി രൂക്ഷമായ തർക്കമുണ്ടായെന്നും, ഇതിൽ പ്രകോപിതയായ ഷെയ്ഖിന്റെ ഭാര്യ ഇയാളുടെ ദേഹത്ത് തിളച്ച എണ്ണ ഒഴിക്കുകയായിരുന്നുവെന്നുമാണ് ബസാർപേത്ത് പോലീസിന്റെ എഫ്‌ഐആറിൽ രേഖപ്പെടുത്തിയിട്ടുള്ളത്. 

സംഭവത്തിൽ അയൽക്കാരുടെ മൊഴികൾ ശേഖരിച്ച് കൂടുതൽ അന്വേഷണം നടത്തുമെന്ന് പോലീസ് വ്യക്തമാക്കി.

ഈ വാർത്തയെക്കുറിച്ച് നിങ്ങളുടെ അഭിപ്രായം താഴെ കമന്റ് ചെയ്യുക. സുഹൃത്തുക്കളുമായി ഇത് ഷെയർ ചെയ്യാനും മറക്കരുത്! 

Summary: Wife allegedly pours boiling oil on husband during marital dispute, causing severe burns.

#DomesticViolence, #Thane, #Maharashtra, #CrimeNews, #BoilingOilAttack, #MaritalDispute