പത്തനംതിട്ട: (KVARTHA) വലഞ്ചുഴിയിൽ പതിനാല് വയസ്സുകാരി പുഴയിൽ ചാടി മരിച്ച സംഭവത്തിൽ അയൽവാസിയായ യുവാവിനെ പോലീസ് കസ്റ്റഡിയിലെടുത്തു. ഇന്നലെയാണ് അഴൂർ സ്വദേശിനിയായ ആവണി പുഴയിൽ ചാടി മരിച്ചത്.

പോലീസ് രേഖകൾ പ്രകാരം, ആവണി മാതാപിതാക്കളോടും സഹോദരനോടുമൊപ്പം ഒരു ഉത്സവം കാണാൻ എത്തിയെന്നും അവിടെ വെച്ച് അയൽവാസിയായ ശരത് ആവണിയുടെ പിതാവുമായും സഹോദരനുമായും വഴക്കിട്ടുവെന്നുമാണ് പറയുന്നത്. ഇത് കണ്ടതിലുള്ള മനോവിഷമത്തിൽ ആവണി പാലത്തിൽ നിന്ന് പുഴയിലേക്ക് എടുത്തുചാടിയതായാണ് എഫ്.ഐ.ആറിൽ രേഖപ്പെടുത്തിയിരിക്കുന്നത്.

അതേസമയം, ശരത് തൻ്റെ മകളെ ശല്യം ചെയ്തിരുന്നുവെന്നും ഈ വിവരം വാർഡ് മെമ്പറെ അറിയിച്ചിരുന്നുവെന്നും ആവണിയുടെ പിതാവ് പ്രകാശ് ആരോപിച്ചു. ഈ ആരോപണങ്ങളുടെയും പരാതികളുടെയും അടിസ്ഥാനത്തിലാണ് പോലീസ് ഇപ്പോൾ യുവാവിനെ കസ്റ്റഡിയിലെടുത്ത് ചോദ്യം ചെയ്യുന്നത്. സംഭവത്തിൽ കൂടുതൽ അന്വേഷണം നടക്കുകയാണെന്ന് പോലീസ് അറിയിച്ചു.

ഈ വാർത്ത പങ്കുവെക്കുകയും അഭിപ്രയങ്ങൾ രേഖപ്പെടുത്തുകയും ചെയ്യുക. 

A 14-year-old girl in Valanchuzhi, Pathanamthitta, died after allegedly jumping into a river. The incident occurred after a fight at a festival involving the girl's family and their neighbor. The neighbor has been taken into police custody following allegations of harassment by the girl's father. Police are investigating the case.

#Pathanamthitta #TeenDeath #PoliceCustody #HarassmentAllegation #KeralaNews #Valanchuzhi