മലപ്പുറം: (KVARTHA) താനൂരിൽ നിന്ന് കാണാതായ പെൺകുട്ടികളെ മുംബൈയിലേക്ക് കടത്തിക്കൊണ്ടുപോയി എന്ന കേസിൽ യുവാവ് അറസ്റ്റിലായി. താനൂർ പൊലീസ് സ്റ്റേഷൻ പരിധിയിലെ അക്ബർ റഹീമിനെ (26) ആണ് താനൂർ എസ്.എച്ച്.ഒ ജോണി ജെ. മറ്റം അറസ്റ്റ് ചെയ്തത്. പ്രായപൂർത്തിയാകാത്ത പെൺകുട്ടികളെ തട്ടിക്കൊണ്ടുപോകൽ, ഫോൺ വഴി പിന്തുടർന്ന് ശല്യം ചെയ്യൽ എന്നീ വകുപ്പുകൾ ചുമത്തിയാണ് അറസ്റ്റ് രേഖപ്പെടുത്തിയിട്ടുള്ളത്. റഹീം അസ്ലം എന്ന പേരിലാണ് ഇയാൾ സാമൂഹിക മാധ്യമങ്ങളിൽ അറിയപ്പെടുന്നത്.

കുട്ടികളുടെ തിരോധാനവുമായി ബന്ധപ്പെട്ട് കൂടുതൽ വിവരങ്ങൾ പുറത്തുവന്നിട്ടുണ്ട്. പെൺകുട്ടികൾ സ്വന്തം സ്വർണം വിറ്റാണ് യാത്രയ്ക്കുള്ള പണം കണ്ടെത്തിയത്. റഹീമും പെൺകുട്ടികളും ആദ്യമായാണ് മുംബൈയിലേക്ക് യാത്ര ചെയ്യുന്നത്. പെൺകുട്ടികൾ മുംബൈയിലെ ബ്യൂട്ടി പാർലറിൽ എത്തിയതിൽ അസ്വാഭാവികമായി ഒന്നുമില്ലെന്നാണ് പൊലീസ് നൽകുന്ന വിശദീകരണം.

അറസ്റ്റിലായ അക്ബർ റഹീമിനെതിരെ മുൻപും കേസുകളുണ്ടോ, പെൺകുട്ടികളുമായി ഇയാൾക്ക് മുൻപരിചയമുണ്ടോ തുടങ്ങിയ കാര്യങ്ങൾ പൊലീസ് അന്വേഷിച്ചുവരികയാണ്. സമൂഹമാധ്യമങ്ങൾ വഴി പെൺകുട്ടികളുമായി സൗഹൃദം സ്ഥാപിച്ച ശേഷം മുംബൈയിലേക്ക് കൂട്ടിക്കൊണ്ടുപോവുകയായിരുന്നുവെന്നാണ് പൊലീസിന്റെ പ്രാഥമിക നിഗമനം.

വെള്ളിയാഴ്ച പൂനെയിൽ നിന്ന് കണ്ടെത്തിയ പെൺകുട്ടികളെ ശനിയാഴ്ച ഉച്ചയോടെയാണ് പൊലീസ് കേരളത്തിലെത്തിച്ചത്. പെൺകുട്ടികളെ വിശദമായി ചോദ്യം ചെയ്ത ശേഷം കൂടുതൽ വിവരങ്ങൾ പുറത്തുവിടുമെന്ന് പൊലീസ് അറിയിച്ചു. കുട്ടികളുടെ തിരോധാനവുമായി ബന്ധപ്പെട്ട് റഹീമിന് മറ്റാരുടെയെങ്കിലും സഹായം ലഭിച്ചിട്ടുണ്ടോ എന്ന കാര്യവും പൊലീസ് അന്വേഷിച്ചുവരികയാണ്.

ഈ വാർത്ത ഷെയർ ചെയ്യൂ. നിങ്ങളുടെ അഭിപ്രായങ്ങൾ കമൻ്റായി രേഖപ്പെടുത്തൂ.

A youth, Akbar Raheem, was arrested for taking missing girls from Tanur to Mumbai. The girls sold their gold for travel expenses. Police are investigating if Raheem had prior connections with the girls and if others assisted him.

#TanurMissingGirls, #Kidnapping, #Arrest, #Mumbai, #PoliceInvestigation, #KeralaCrime