കണ്ണൂർ(KVARTHA): തളിപ്പറമ്പിൽ വീണ്ടും മാരക മയക്കുമരുന്നായ എം.ഡി.എം.എ യുമായി രണ്ടുപേരെ പോലീസ് അറസ്റ്റ് ചെയ്തു. കുട്ടൂക്കൻ മുജീബ് (40), എ.പി. മുഹമ്മദ് മുഫാസ് (28) എന്നിവരെയാണ് എസ്.ഐ കെ.വി. സതീശന്റെ നേതൃത്വത്തിലുള്ള പോലീസ് സംഘവും റൂറൽ ജില്ലാ പോലീസ് മേധാവി അനുജ് പലിവാളിന്റെ ഡാൻസാഫ് ടീമും ചേർന്ന് പിടികൂടിയത്.

കഴിഞ്ഞ ദിവസം രാത്രി 11.30 ന് സംസ്ഥാന പാതയിൽ കരിമ്പം ഗവ. താലൂക്ക് ആശുപത്രിക്ക് സമീപം വെച്ചാണ് ഇവർ പിടിയിലായത്. കെ.എൽ-59 എ.എ 8488 (KL59AA8488) നമ്പർ ബൈക്കിൽ ശ്രീകണ്ഠാപുരം ഭാഗത്തുനിന്നും തളിപ്പറമ്പിലേക്ക് വരികയായിരുന്ന ഇവരിൽ നിന്നും 2.621 ഗ്രാം എം.ഡി.എം.എ കണ്ടെടുത്തു. 

അറസ്റ്റിലായ മുഫാസ് ഇതിനുമുമ്പും എൻ.ടി.പി.എസ് (നാർക്കോട്ടിക് ഡ്രഗ്സ് ആൻഡ് സൈക്കോട്രോപിക് സബ്സ്റ്റൻസസ് ആക്ട്) കേസിൽ പ്രതിയാണെന്ന് പോലീസ് അറിയിച്ചു. 

ഇവരിൽ നിന്ന് മൂന്ന് മൊബൈൽ ഫോണുകളും ബൈക്കും പോലീസ് കസ്റ്റഡിയിലെടുത്തു. തളിപ്പറമ്പ് മേഖലയിലെ യുവാക്കൾക്കും വിദ്യാർത്ഥികൾക്കുമിടയിൽ എം.ഡി.എം.എ എത്തിക്കുന്ന പ്രധാന കണ്ണികളാണ് അറസ്റ്റിലായ ഈ രണ്ടുപേരുമെന്ന് പോലീസ് വ്യക്തമാക്കി.

ഈ വാർത്ത നിങ്ങളുടെ സുഹൃത്തുക്കളുമായി പങ്കുവെക്കുക. അഭിപ്രായങ്ങൾ താഴെ കമൻ്റ് ബോക്സിൽ രേഖപ്പെടുത്തുക.

Article Summary: Two individuals were arrested in Taliparamba, Kannur, with 2.621 grams of MDMA near Karimbam Government Taluk Hospital. The accused, Kuttookan Mujeeb and A.P. Muhammad Mufas, were caught while traveling on a bike. Police seized MDMA, three mobile phones, and their bike. Mufas has a prior NDPS case. They are identified as key suppliers to local youth and students.

Hashtags: #MDMASeizure, #TaliparambaDrugs, #KannurPolice, #DrugArrest, #KeralaNarcotics, #CrimeNews