തളിപ്പറമ്പിൽ കഞ്ചാവുമായി യുവാവ് പിടിയിൽ

തളിപ്പറമ്പ്: (KVARTHA) ബംഗളൂരിൽ നിന്നും കടത്തിക്കൊണ്ടുവന്ന 463 ഗ്രാം കഞ്ചാവുമായി യുവാവിനെ തളിപ്പറമ്പ് പോലീസ് പിടികൂടി. എൻ. ബിബിൻ (29) നെയാണ് കഞ്ചാവ് കടത്തിയ കേസിൽ അറസ്റ്റ് ചെയ്തതെന്ന് പോലീസ് അറിയിച്ചു.

തളിപ്പറമ്പ് താലൂക്ക് ഓഫീസ് ഗേറ്റിന് സമീപം വെച്ച് ശനിയാഴ്ച ഉച്ചക്ക് 12.10 നാണ് സംഭവം. സംശയാസ്പദമായ സാഹചര്യത്തിൽ ബാഗുമായി കണ്ട ഇയാളെ പോലീസ് ചോദ്യം ചെയ്യുകയായിരുന്നു. തുടർന്ന് ഇയാളുടെ കൈവശമുണ്ടായിരുന്ന ബാഗ് പരിശോധിച്ചപ്പോഴാണ് കഞ്ചാവ് കണ്ടെടുത്തതെന്ന് പോലീസ് പറഞ്ഞു.

ബംഗളൂരിലെ മജസ്റ്റിക് ബസ് സ്റ്റാൻഡിനടുത്ത് വെച്ച് മുൻപരിചയമില്ലാത്ത ഒരാളിൽ നിന്ന് 5000 രൂപ കൊടുത്ത് കഞ്ചാവ് വാങ്ങിയതാണെന്നാണ് ചോദ്യം ചെയ്യലിൽ ബിബിൻ പോലീസിനോട് പറഞ്ഞിട്ടുള്ളത്.

തളിപ്പറമ്പ് എസ്.ഐ ദിനേശൻ കൊതേരിയുടെ നേതൃത്വത്തിലുള്ള പോലീസ് സംഘമാണ് യുവാവിനെ പിടികൂടിയത്. എ.എസ്.ഐ ഷിജോ അഗസ്റ്റിൻ, സി.പി.ഒ ലിജേഷ് എന്നിവരും അറസ്റ്റ് ചെയ്ത സംഘത്തിൽ ഉണ്ടായിരുന്നു.

ലഹരിമരുന്ന് കടത്ത് തടയാനുള്ള പോലീസിന്റെ ഈ നീക്കത്തെക്കുറിച്ച് നിങ്ങളുടെ അഭിപ്രായം പങ്കുവെക്കൂ. ഈ വാർത്ത ഷെയർ ചെയ്യുക.

Article Summary: A 29-year-old man was arrested by Taliparamba Police with 463 grams of ganja smuggled from Bengaluru.

#GanjaArrest #Taliparamba #KeralaPolice #DrugSmuggling #Cannabis #Bengaluru